Randalín og Mundi: Dagar í desember - 8. Karlaskvísuboð | RÚV Sjónvarp

Randalín og Mundi: Dagar í desember

8. Karlaskvísuboð

Randalín og Mundi fara til Grétu Hansen í leit að upplýsingum um myrkraverk Ketils og neyðast til að setja á svið kaffiboð til þess að fá fleiri vísbendingar.

Frumsýnt

8. des. 2022

Aðgengilegt til

28. feb. 2025

Randalín og Mundi: Dagar í desember

Randalín og Mundi: Dagar í desember

Vinirnir Randalín og Mundi lenda í miklum ævintýrum í jólamánuðinum, gera góðverk og óvart skemmdarverk. Þau leysa ráðgátu um grunsamlegan nágranna og hjálpa hælisleitendum á flótta, leita aðstoðar spákonu sem á kristalskúlu, fást við nágranna sem á snák og eltast við jólasvein sem dúkkar upp á ólíklegustu stöðum. Leikstjórn: Silja Hauksdóttir og ILmur Kristjánsdóttir. Meðal leikenda eru: Kría Burgess, Gunnar Erik Snorrason, Birta Hall, Ægir Chang Hlésson, Hilmir Snær Guðnason, Kristín Þóra Haraldsdóttir, Saga Garðarsdóttir, Katla Margrét Þorgeirssdóttir, Jörundur Ragnarsson og Harpa Arnardóttir.

Þættir

23. Vond lykt

Randalín og Mundi finna ráð við fýlunni af kæstri skötu og átta sig á að þegar vináttan verður flókin er best að ræða

22. Mótmæli

Jólaballið í skólanum tekur óvænta stefnu þegar Aníta og Stefán vilja gera hreint fyrir sínum dyrum og skólafélagarnir átta sig á hvers þau eru megnug ef þau leggjast á eitt.

21. Uppljóstrarar

Óvinir Randalínar og Munda elta þau á felustað Fatímu og það hefur örlagaríkar afleiðingar.

20. Útgáfuboð

Randalín og Mundi stela veitingum og stinga af úr jólalegu ljóðaboði á hlýlegan og dulrænan felustað.

19. Rauð viðvörun

Þótt rómantíkin svífi yfir vötnum hjá fullorðna fólkinu á Árbæjarsafni magnast ótti krakkanna um að Fatíma og Nína séu í vanda og þau reyna sitt besta til þess að hjálpa.

18. Árbæjarsafn

Það sem virðist í fyrstu vera sakleysisleg bekkjarferð á Árbæjarsafn reynist leiða til örlagaríks upplýsingaleka í boði Anítu og Stefáns.

17. Klísturkökur

Loksins fá krakkarnir svör við mikilvægum spurningum sem reynast snerta fleiri en nágrannana og eru stærri en þau óraði fyrir.

16. Hver á snuðið?

Foreldrar Munda verða æ skrýtnari, pendúllinn virðist hættur að virka og krakkarnir komast að leyndarmáli.

15. Ástin bankar upp á

Gréta Hansen gefur mikilvæg ráð en Ketill slær persónulegt met í leiðindum. Randalín og Mundi velta fyrir sér hvort grunsamleg hegðun nágrannanna eigi sér eðlilegar skýringar.

14. Kjallarinn

Samviskan er farin að naga örþreytta krakka eftir svefnlausa nótt og Mundi vill játa yfirsjónir sínar fyrir Anítu og Stefáni en Randalín er efins.

13. Spennuþrungin nótt

Krakkarnir geta ekki sofið fyrir endalausum heilabrotum um jólagjafir og grunsamlega hegðun fullorðna fólksins og hætta sér í spennuþrunginn rannsóknaleiðangur að næturlagi.

12. Bókasafnskortið

Óvænt heimsókn lögreglunnar í leit að Fatímu og Nínu styrkir krakkana í þeirri trú að Ketill hafi eitthvað að fela.

11. Bakaraprinsessan

Öll spjót beinast að Randalín og Munda sem nauðverjast í erfiðri stöðu.

10. Piparkökuhúsakeppni

Þegar Randalín verður ljóst að þau Mundi eiga eftir að tapa fyrir Anítu og Stefáni í piparkökuhúsakeppninni reynist henni erfitt að hafa stjórn á sér.

9. Ein heima

Krakkarnir baka fyrir hina árlegu piparkökuhúsakeppni en fljótt kemur í ljós að þeim er ýmislegt betur til lista lagt en að baka piparkökuhús eins og til dæmis það að gera símaat.

8. Karlaskvísuboð

Randalín og Mundi fara til Grétu Hansen í leit að upplýsingum um myrkraverk Ketils og neyðast til að setja á svið kaffiboð til þess að fá fleiri vísbendingar.

7. Húsfundurinn

Rafmagnið fer skyndilega af blokkinni og Randalín og Mundi leggja í hættulegan leiðangur niður í myrkan kjallarann.

6. Jóhólalegur kúreki

Fatíma, nýja vinkona krakkanna, hverfur skyndilega af jólatónleikunum ásamt dóttur sinni og hinn fjandsamlegi Ketill verður æ grunsamlegri.

5. Hættulegi maðurinn

Ógnvænleg öskur heyrast frá íbúð Ketils og skringilegur gjörningur hans á jólatónleikum Vox Happiness vekur áleitnar spurningar hjá krökkunum.

4. Snákurinn

Randalín og Mundi eignast nýja vini í nágranna sínum Jakobi og kulvísa snáknum hans og líka manni sem segist vera sjálfur Stekkjastaur.

3. Gréta Hansen

Heima hjá Grétu Hansen borða Randalín og Mundi yfir sig af gömlu nammi og komast að því að framundan eru dularfull verkefni sem þeim ber að leysa með hjálp enn dularfyllri verkfæra.

2. Stórreykingakonan

Randalín og Mundi leita til dávalds til að bjarga Randalín frá stórhættulegum ávana og kynnast hinni mögnuðu Grétu Hansen.

1. Velkomin í bekkinn

Randalín byrjar í nýjum skóla og gerir eitraða og örvæntingarfulla tilraun til að ná athygli Munda og verða vinkona hans.

,