Kiljan

7. okt 2026

Í Kilju vikunnar fjöllum við um glæsilega bók sem segir frá ævi og störfum Sigvalda Thordarsonar arkitekts. Óhætt er að segja að Sigvaldi sé einn vinsælasti arkitektinn í sögu íslenskar byggingalistar og njóta verk hans mikillar aðdáunar. Bókin er rituð af Albínu Thordarson, sem er dóttir Sigvalda, og Pétri H. Ármannssyni. Við tölum við þau bæði í þættinum. Gerður Kristný segir frá nýrri skáldsögu sinni sem nefnist Mikado. Magrét Bjarnadóttir ræðir við okkur um bók sína Varkár sem hefur vakið mikla athygli. Og svo er það ungur höfundur sem heitir Vilhjálmur Pétursson en hann bar sigurorð úr samkeppninni Nýjar raddir fyrir sögu sem nefnist Harðindi og fjallar um Ísland á tíma eftir hamfarir. Gagnrýnendur þáttarins fjalla um Húsið - Hlýskeið eftir Hjálmar Sveinsson, Þurfamenn frá mannréttindi eftir Ragnheiði Kristjánsdóttur og spennusöguna Dauðann og eyjuna eftir Guillaume Musso.