Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Áhrifa tollastríðs Bandaríkjanna gætti víða á mörkuðum í dag. Sigríður Benediktsdóttir, dósent við Columbia háskóla í Bandaríkjunum, segir að veikari þjóðir hafi mestu að tapa. Þetta geti haft slæm áhrif á bæði hag verkafólks og umhverfisvernd.
Staðan á Íslandi er óljós en í henni gætu þó falist tækifæri. Rætt við Örnu Láru Jónsdóttur og Vilhjálm Árnason sem bæí eiga sæti í efnahags- og viðskiptanefnd Alþingis.
Edda Björgvins hefur enn og aftur slegið í gegn, nú með nýjum persónum á samfélagsmiðlum.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Það hrikti í stoðum alþjóðlega fjármálakerfisins í dag eftir að Bandaríkin settu á hæstu verndartolla síðan í upphafi Kreppunnar miklu fyrir að verða einni öld.
Margt bendir til að sú heimsskipan sem hefur verið við lýði frá lokum seinni heimsstyrjaldar, tímabil sem kennt hefur verið við Pax Americana, sé að renna sitt skeið. Bandaríkin eru undir stjórn Donald Trump einfaldlega að segja sig frá því forystuhlutverki sem þau tóku sér og hefur fært þeim alþjóðlega yfirburði í 80 ár. En hvers konar kerfi tekur við og lifir lýðræðið það af?
Rætt var um stöðu Bandaríkjanna í víðu samhengi í Silfrinu. Gestir voru Björgvin Guðmundsson, framkvæmdastjóri KOM, Bryndís Ísfold Hlöðversdóttir stjórnmálafræðingur, Dröfn Ösp Snorradóttir-Rozas, hönnuður í Los Angeles, Kristján Guðjónsson, dagskrárgerðarmaður í Lestinni á Rás 1, og Magnús Sveinn Helgason, sagnfræðingur.
Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.
Í Kilju vikunnar fjöllum við um glæsilega bók þar sem er rakin saga hins ævintýralega flugfélags Loftleiða í máli og myndum. Við eigum spjall við höfund bókarinnar, Sigurgeir Orra Sigurgeirsson. Rebekka Sif Stefánsdóttir og Katrín Lilja Jónsdóttir segja okkur frá Lestrarklefanum þar sem þær eru í ritstjórn. Þetta er öflugur og skemmtilegur vettvangur þar sem fjallað er um bókmenntir í rituðu máli og töluðu. Skáldið Vala Hauksdóttir kemur í þáttinn, hún sigraði í keppninni um Ljóðstaf Jóns úr Vör í fyrra en hefur nú gefið út sína fyrstu bók sem nefnist Félagsland. Við förum í Önundarfjörð í dagskrárliðnum Bókum og stöðum og þar verða meðal annarra á vegi okkar Brynjólfur biskup Sveinsson, Auður Jónsdóttir og Ólafur Kárason. Gagnrýnendur þáttarins fjalla um Rétt áðan eftir Illuga Jökulsson, Hús dags, hús nætur eftir Olgu Tokarczuk og Bældar minningar eftir Angelu Marsons.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Ferðaþjónusta utan alfaraleiða á oft erfiðara uppdráttar og þarf að hafa meira fyrir því að laða til sín ferðamenn en staðir í grennd við höfuðborgina og hringveginn. Í síðustu viku tók Kastljós stöðuna á Raufarhöfn og Ásbyrgi. Við tökum fyrir Norðvesturland í þætti kvöldsins.
Jóhannes Þór Skúlason, framkvæmdastjóri Samtaka ferðaþjónustunnar, og Arnar Már Ólafsson ferðamálastjóri komu í myndver og ræddu stöðuna á kaldari svæðum; leiðir til úrbóta og tækifæri. Þeir fóru líka yfir óvissu í greininni í kjölfar tollahækkana í Bandaríkjunum.
Vísindamenn við Háskóla Íslands vinna nú að rannsókn til að komast að hversu mikil uppsöfnuð eiturefni er að finna í líkömum fólks. Við kynntum okkur rannsóknina.
Frönsk heimildarmynd um bandaríska rithöfundinn Ernest Hemingway og samband hans við eiginkonur sínar fjórar. Í gegnum hjónaböndin fáum við innsýn í fjögur tímabil í lífi Hemingways, fyrst í París á þriðja áratug 20. aldar, svo Flórída á fjórða áratugnum, aftur til Evrópu á tímum seinni heimsstyrjaldarinnar og loksKúbu á sjötta áratugnum.
Þriðja þáttaröðin um daglegt líf og hættulegt starf lögregluþjóna í Malmö og ógnvekjandi andrúmsloftið sem gerir stöðugt erfiðara að aðskilja vinnuna og einkalífið. Þættirnir eru ekki við hæfi barna yngri en 12 ára.
Bresk glæpaþáttaröð frá 2022 byggð á sönnum atburðum. Samfélagið í námuþorpi á Mið-Englandi sundrast þegar tveir íbúar þess finnast myrtir. Lögregluna grunar að morðin tengist yfirstandandi námuverkfalli. Aðalhlutverk: David Morrissey, Lesley Manville og Robert Glenister. Þættirnir eru ekki við hæfi barna yngri en 16 ára.
Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?
Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.
Krakkafréttir dagsins: 1. Músíktilraunir 2025 2. Krakkaskýring: Ferming 3. Barnamenningarhátíð hófst í dag
