Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Í garðinum með Gurrý sýnir Guðríður Helgadóttir garðyrkjufræðingur áhorfendum réttu handtökin við garðyrkjustörfin og fer í áhugaverðar heimsóknir. Dagskrárgerð: Björn Emilsson.

Heimsókn í garð Péturs Reynissonar og Áslaugar Einarsdóttur í Hveragerði og sérstakar hleðslur við húsið skoðaðar. Hollráð.

Leikararnir Karl Ágúst Úlfsson, Randver Þorláksson, Pálmi Gestsson, Sigurður Sigurjónsson og Örn Árnason sýna áhorfendum samtíðaviðburði frá nýju sjónarhorni. Stjón upptöku: Björn Emilsson.

Tónlistarþáttur frá 1988 þar sem fjallað er um innlend og erlend dægurlög. Umsjón: Jón Ólafsson, Steingrímur S. Ólafsson, Stefán Hilmarsson og Anna Björk Birgisdóttir. Dagskrárgerð: Ásgrímur Sverrisson.

Heimildamynd frá 1996 um lífskúnstnerinn og listmálarann Stefán Jónsson Stórval frá Möðrudal sem lést 30. júlí 1995.

Í myndinni er slegist í för með Stefáni á æskuslóðir hans á Austurlandi og komið víða við. Stefáni hafði verið boðið að halda málverkasýningu á menningardögum á Vopnafirði og í ferðinni málaði hann sínar síðustu myndir af eftirlætisviðfangsefni sínu, Herðubreið. Dagskrárgerð: Egill Eðvarðsson.

Þáttaröð frá 1991 um sögu íslenskrar dægurtónlistar. Umsjón: Helgi Pétursson og Jónatan Garðarsson. Dagskrárgerð: Tage Ammendrup.

Danskir þættir um arkitektúr á tímum loftslagsbreytinga. Hvernig byggjum við borgir fyrir breytt loftslag með stormum og miklum rigningum? Sjálfbær arkitektúr fer vaxandi um heim allan og danskir arkitektar eru þar í fararbroddi. Lausnir við loftslagsvanda sem um leið stuðla að góðu lífi eru í þróun.

Önnur sería af Silfruskógi, sem er bresk sjónvarpsþáttaröð úr heimi vísindaskáldskapar fyrir unglinga. Lous, Meg, Glen og Kaz uppgötva að hópurinn þeirra er bara einn þeirra fjögurra sem taka þátt í leiknum um að bjarga heiminum.

Önnur þáttaröð um ofurhetjurnar sem þurfa líka að setjast á skólabekk. Þessir óvenjulegu skólakrakkar vekja mikla kátínu í þessum norsku ofurhetjuþáttum.

Húgó finnur dularfulla grímu sem gerir honum kleift að komast inn í sína eigin drauma. Getur hann núna, með hjálp grímunnar, loksins sigrast á martröðum sínum?

Íslensk tónlistarmyndbönd.

Lag: Temptation

Flytjandi: Dísa (Bryndís Jakobsdóttir)

Höfundar: Bryndís Jakobsdóttir og Shelly Poole

Tilraunakennd mynd frá 2023 eftir Magnús Leifsson sem samanstendur af þremur senum sem fjalla á einhvern hátt um dauðann. Aðalhlutverk: Arnar Freyr Frostason, Halldór Laxness Halldórsson, Helgi Sæmundur Guðmundsson og Saga Garðarsdóttir.

Bandarísk bíómynd frá 2014. Stetson Tate er 12 ára vandræðagemsi með eyra fyrir tónlist. Pabbi hans sendir hann í fínan heimavistarskóla fyrir kórdrengi þar sem hann blómstrar og stefnir brátt í fremstu röð söngvara - nema hann komi sér í alvarleg vandræði fyrst. Leikstjóri: François Girard. Aðalhlutverk: Dustin Hoffman, Kathy Bates, Debra Winger og Garrett Wareing.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þriðja þáttaröð þessara bresku sakamálaþátta um hið sérkennilega tvíeyki einkaspæjara, Luellu Shakespeare og Frank Hathaway, sem fæst við margvísleg sakamál í heimabæ þeirra og fæðingarbæ hins eina og sanna Shakespeare, Stratford-upon-Avon. Aðalhlutverk: Mark Benton og Jo Joyner.

Þáttaröðin er hluti af þemanu Sakamálasumar.

Rómantísk gamanmynd frá 2001 með Renée Zellweger, Colin Firth og Hugh Grant í aðalhlutverkum. Bridget Jones er einhleyp kona í Lundúnum sem er ekki nógu ánægð með sjálfa sig. Ástamálin ganga illa og hún er óánægð í starfi. Um áramótin strengir hún þau heit að ná tökum á lífi sínu og bæta sig á öllum sviðum. Hún heldur um það dagbók sem gengur upp og ofan. Myndin er byggð á bók eftir Helen Fielding. Leikstjóri: Sharon Maguire. Myndin er ekki við hæfi barna yngri en 12 ára.

Kvikmynd frá BBC byggð á samnefndu gamanleikriti Williams Shakespeare þar sem sögur af ævintýrum ungra elskenda, hópi áhugaleikara og samskiptum þeirra við skógarálfa tvinnast saman.