Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.
Grindvíkingar búa við mikla óvissu um þróun mála í bæjarfélaginu. Margir fóru á heimili sín í dag til að grípa með sér nauðsynjar en enn á eftir að svara fjölmörgum spurningum varðandi afkomu, skóla og húsnæði. Vilhjálmur Árnason þingmaður og Hörður Guðbrandsson formaður Verkalýðsfélags Grindavíkur voru gestir Kastljóss en þeir eru báðir Grindvíkingar.
Þórunn Erlingsdóttir og fjölskylda hennar hafa komið sér tímabundið fyrir á Selfossi. Hún yfirgaf Grindavík snemma á föstudagskvöld en gerði þá ráð fyrir að vera aðeins burtu eina nótt. Hún segir óvissuna erfiðasta og gerir ráð fyrir að áfallið komi síðar.
Dr. Berglind Guðmundsdóttir er sálfræðingur hjá landspítalanum og fulltrúi í samráðshópi áfallahjálpar hjá Almannavörnum. Hún segir eðlilegt að fólk upplifi erfiðar tilfinningar í kjölfar svona atburðar og að hræðsla og jafnvel reiði muni gera vart við sig hjá mörgum. Rætt um hvernig má vinna sig út úr slíkum tilfinningum.
