Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.
Í dag kom út skýrsla nefndar um Vöggustofur í Reykjavík. Þar er að finna sláandi upplýsingar um starfsemi vöggustofanna og hvaða áhrif það hafði á börnin sem þar dvöldu. Við ræðum við Kjartan Björgvinsson formanns nefndar um Vöggustofur.
Kristín Ásgeirsdóttir dvaldi fyrstu átján mánuði ævi sinnar á vöggustofu. Hún telur það hafa haft mikil áhrif á líf sitt, hún hafi alltaf upplifað tengslaleysi, átt erfitt með að tengjast fólki og upplifað sig einskis virði.
Fyrir rúmum tveimur árum síðan gengu fimm menn á fund borgarstjóra í þeim tilgangi að fara fram á að vöggustofur sem Reykjavíkurborg rak yrðu rannsakaðar. Niðurstaða rannsóknar nefndarinnar sem var skipuð í kjölfarið er nú komin og við ræddum við þá Árna H. Kristjánsson og Viðar Eggertsson um vöggustofur.
Síðan heyrum við menningarfréttir vikunnar eins og alltaf á fimmtudögum.
