Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson og Viktoría Hermannsdóttir.

Brot úr menningarumfjöllun liðinnar viku. Fjallað á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu. Umsjón: Bergsteinn Sigurðsson og Halla Oddný Magnúsdóttir.

Deiglumór nefnist sýning sem stendur yfir í Hönnunarsafni Íslands og fjallar um tímabilið 1930-1970, þegar listamenn unnu keramik úr íslenskum leir.

Fram kom: Inga S. Ragnarsdóttir

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Bein útsending frá upplýsingafundi Almannavarna vegna COVID-19.

Ásgrímur Sverrisson kvikmyndagerðarmaður ræðir við íslenska kvikmyndagerðarmenn um myndir þeirra. Brugðið er upp völdum atriðum úr myndunum og rætt um hugmyndirnar sem að baki þeim liggja.

Róbert lagði stund á fjölmiðlafræðinám á Norður-Írlandi þaðan sem hann er að hálfu ættaður. Áður en hann hóf að gera bíómyndir hafði hann ár eftir ár verið verðlaunaður á Stuttmyndahátíð Reykjavíkur, meðal annars fyrir myndina Ísland er draumurinn. Sú mynd varð síðan nokkurs konar tilhlaup að fyrstu bíómynd Róberts, Íslenska draumnum, sem frumsýnd var árið 2000 og varð afar vinsæl. Önnur bíómynd Róberts er Maður eins og ég frá árinu 2002. 2004 sendi hann frá sér heimildamyndina Mjóddin – slá í gegn sem vakti athygli á alþjóðlegum kvikmyndahátíðum fyrir skemmtileg efnistök. Nýjasta bíómynd Róberts er gamanmyndin Strákarnir okkar sem frumsýnd var í fyrrahaust.

Dægurþættir frá árunum 1989-1994.

Fyrsta þáttaröð Með okkar augum, þar sem fólk með þroskahömlun skoðar málefni líðandi stundar með sínum augum og spyr þeirra spurninga sem því eru hugleiknastar hverju sinni. Dagskrárgerð: Elín Sveinsdóttir.

Egill Helgason tengir bækur við ýmsa staði á landinu.

Víkingur Heiðar Ólafsson og Halla Oddný Magnúsdóttir leiða áhorfendur í tali og tónum um töfraheima sígildrar tónlistar. Þau spjalla á léttu nótunum um tónlist frá ýmsum tímum auk þess sem Víkingur leikur verk af nýlegum hljómplötum sínum á sviði Eldborgar í Hörpu.

Fróðlegir danskir þættir þar sem þáttastjórnendur rannsaka matinn sem við borðum dags daglega.

Finnlands-sænskir lífsstílsþættir þar sem meðal annars er fjallað um matreiðslu, garðyrkju og föndur.

Finnskir þættir um Mikko Peltola sem setur sér það markmið að klára sex líkamlega krefjandi þrautir á einu ári. Hann spreytir sig meðal annars á kajakróðri, hlaupi, skíðagöngu, hjólreiðum og klettaklifri.

Grace Webb sýnir okkur allskonar töff faratæki. Mótórhjól, kappakstursbíla, strætisvagna, flugvélar, báta og allt þar á milli.

Helstu fréttir settar fram á einfaldan og aðgengilegan hátt.

Umsjón: Kolbrún María Másdóttir og Gunnar Hrafn Kristjánsson.

Krakkafréttir dagsins: 1. Samkomutakmörkunum aflétt í 20 manns 2. Tími kominn á sumardekk 3. Eldgos á St. Vincent

Umsjón: Kolbrún María Másdóttir

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson og Viktoría Hermannsdóttir.

Brot úr menningarumfjöllun liðinnar viku. Fjallað á snarpan og líflegan hátt um það sem efst er á baugi hverju sinni í menningar- og listalífinu, jafnt með innslögum, fréttaskýringum, gagnrýni, pistlum og umræðu. Umsjón: Bergsteinn Sigurðsson og Halla Oddný Magnúsdóttir.

Tónlistarfólkið sem bar sigur úr býtum sem björtustu vonirnar á Íslensku tónlistarverðlaununum fékk forskot á sæluna en verðlaunahátíðin fer fram á laugardag. Gugusar, Steiney Sigurðardóttir og Laufey Lin hljóta verðlaunin.

Heimildarmynd í þremur hlutum. Hljómsveitin Hatari hafði starfað í jaðarsenu íslenskrar menningar frá árinu 2016, tiltölulega lítt þekkt. Það breyttist eftirminnilega árið 2019 þegar meðlimir hennar ákváðu að senda lagið Hatrið mun sigra í Söngvakeppni RÚV. Fylgst er með ferðalagi Hatarahópsins frá upphafi til enda, hvernig þeim tókst að brjótast í gegn með boðskap sinn og hvernig ferðalagið breytti þeim. Leikstjórn: Anna Hildur Hildibrandsdóttir. Framleiðsla: Tattarrattat og RÚV.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir.

Íslensk bíómynd frá 1992. Í henni segir frá tveimur vinum sem reka veitingastað og girnast báðir gengilbeinu þar. Leikstjóri er Júlíus Kemp og meðal leikenda eru Baltasar Kormákur, Egill Ólafsson, Steinn Ármann Magnússon, Ingibjörg Stefánsdóttir, Dóra Takefusa og Flosi Ólafsson. Myndin er ekki við hæfi barna yngri en 16 ára.