Síðdegisútvarpið

Vatnspóstur, kíghósti og djassþorpið

Vatnspósturinn á Aðalstræti í miðborg Reykjavíkur hefur verið laskaður síðustu tuttugu og fimm árin, en Stefán Pálsson vill að gert verði við hann, enda sögulegar minjar. Sagnfræðingurinn kemur til okkar og fer yfir merka sögu vatnspóstsins.

Plöntuáhugafólk og blómaunnendur eru hvött til að koma og gera skipti á blómum og græðlingum á Borgarbókasafninu í Árbæ á sunnudaginn. Á Plöntuskiptimarkaðnum er upplagt tækifæri fyrir þau sem eiga umfram, að deila með öðrum – og ekki síður að spjalla við aðra ræktendur um umhirðu plantnanna og þetta skemmtilega áhugamál. Katrín Guðmundsdóttir er skiptastjóri eða fer fyrir þessum viðburði og við heyrum í henni hér á eftir.

AkureyrarAkademían stendur fyrir opnu málþingi í Hofi á Akureyri í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Á málþinginu mun fræðifólk og almenningur eiga samræður og skoðanaskipti um stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? Sigurgeir Guðjónsson, stjórnarformaður AkureyrarAkademíunnar verður á línunni.

Hverskonar forseta vill unga fólkið? Þegar stórt er spurt. Landssamband Ungmennafélaga ásamt JCI á Íslandi halda viðburðinn "Völd óskast: Forseti allra kynslóða?" í Iðnó núna á sunnudag. Sylvía Martinsdóttir, formaður félagsins, kemur til okkar.

Jazzþorpið í Garðabæ er djasshátíð sem hóf göngu sína í fyrra á Garðatorgi í Garðabæ. Hún er nú haldin í annað sinn um komandi helgi og hefst með opnun kl. 18.00 á morgun föstudag. Listrænn stjórnandi Jazzþorpsins er gítarleikarinn knái Ómar Guðjónsson en fær til liðs við sig marga af bestu jazztónlistarmönnum landsins á hátíðina. Ómar verður hér hjá okkur og segir okkur frá.

Við byrjum á kíghósta. Börn greind með kíghósta hafa verið lögð inn á spítala hér á landi síðustu vikur en alls hafa sautján greinst með sýkinguna undanfarið. Guðrún Aspelund, sóttvarnarlæknir er á línunni.

Frumflutt

3. maí 2024

Aðgengilegt til

3. maí 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.