Athuga sendiherraskipanir, varar við pólitískum afskiptum, eldur í Slippnum
Stjórnskipunar- og eftirlitsnefnd hefur óskað eftir svörum frá utanríkisráðuneytinu um verklag þáverandi utanríkisráðherra, Bjarna Benediktssonar, við skipun sendiherra, bæði í Róm og Washington.
Guðrún Hafsteinsdóttir dómsmálaráðherra segir í tilkynningu að pólitísk afskipti af sakamálum geta grafið undan réttarríkinu. Þetta er í tilefni af erindi sem fjármálaráðherra sendi lögreglunni á höfuðborgarsvæðinu og vakti athygli á að starfsemi netverslana með áfengi kynni að fela í sér brot á lögum.
Sumar breytingatillögur Hamas-samtakanna við drög að vopnahléssamkomulagi á Gaza eru óraunhæfar, að mati Anthony Blinken utanríkisráðherra Bandaríkjanna. Árásir Ísraelshers halda áfram.
Eldur kviknaði í vélarrúmi skips sem er verið að gera við í flotkví hjá Slippnum á Akureyri. Tveir voru fluttir á bráðamóttöku vegna gruns um reykeitrun. Slökkvistarfi er lokið.
