Morðin á Illugastöðum

3. þáttur: Skelfingarnóttin 1828

Í þriðja þætti um morðin á Illugastöðum er greint frá atburðum næturinnar 14. mars árið 1828 þegar Agnes, Friðrik og Sigríður létu til skarar skríða og myrtu Natan Ketilsson og Fjárdráps-Pétur. Einnig heyrum við um álit fólks fyrr og nú á sýslumanninum Birni Blöndal og veltum fyrir okkur ásetningi þremenninganna auk þess að kynnast þeim nánar og þeim aðstæðum sem þeir bjuggu við.

Birt: 15. sept. 2024
Aðgengilegt til: Rennur ekki út
Lengd: 43 mínútur

Morðin á Illugastöðum

Sagan af Natani og Agnesi, Friðriki og Sigríði.

Aðfararnótt 14. mars árið 1828 voru Natan Ketilsson og maður sem kallaður var Fjárdráps-Pétur, myrtir á hroðalegan hátt á Illugastöðum á Vatnsnesi. Frásagnir og vangaveltur um morðin hafa lifað með þjóðinni í nærri tvö hundruð ár og enn er fjallað um þau.

Agnes Magnúsdóttir, Friðrik Sigurðsson og Sigríður Guðmundsdóttir voru dæmd til dauða fyrir morðin. Tvö þeirra voru hálshoggin á Þrístöpum tæpum tveimur árum síðar og það voru síðustu aftökurnar á Íslandi.

Af hverju ákváðu Agnes, Friðrik og Sigríður að drepa Natan og Pétur? Í þáttunum er leitað skýringa á því, reynt að lesa í persónurnar sem koma við sögu og athugað hvort hægt sé að leita skýringa í réttarfari, tíðaranda og aðstæðum fólks á þessum tíma.

Umsjón: Þorgeir Ólafsson.

Þættir

4. þáttur: Dómar, aftökur og uppgröftur á beinum

Í fjórða þætti um morðin á Illugastöðum er sagt frá dómunum yfir þeim Agnesi, Friðriki og Sigríði. Við fylgjum Agnesi og Friðriki á aftökustaðinn og heyrum samtímafrásögn af því hvernig…

3. þáttur: Skelfingarnóttin 1828

2. þáttur Myrða eða ekki myrða

Í 2. þætti var haldið áfram að rekja aðdragandann að morðunum, velt fyrir rannsókn Björns Blöndals sýslumanns, rætt um ástand og lífsviðurværi fólks í byrjun 19. aldar og sagt frá…

1. þáttur Ráðabrugg um morð

Í fyrsta þætti er rekinn aðdraganda málsins, rætt um vistarbandið, sagt frá greinum sem skrifaðar hafa verið nýlega um morðin, svipast um á vettvangi og fleira.