4 . þáttur: Fjölmiðlamaður og geimfari
Viðmælendur í þessum þætti: Margaret Pacsu, Lorne Tulk, Colin Eatock, Brian Levine.
Leikið á píanó með huganum
Á slóðum píanóleikarans Glenns Gould í Toronto.
Kanadíski píanóleikarinn Glenn Gould er af mörgum talinn einn merkasti tónlistarmaður 20. aldar, en samt hætti hann að leika á tónleikum aðeins þrjátíu og eins árs gamall og einbeitti sér eftir það að vinnu í hljóðverinu. Gould hóf tónlist sumra tónskálda upp til skýjanna og var til dæmis þekktur fyrir túlkun sína á verkum Bachs en leit um leið niður á önnur vel þekkt tónskáld píanóbókmenntanna. Gould var líka merkilegur fjölmiðlamaður og þekktur fyrir ýmsa sérvisku í sínu daglega lífi. Rætt er við nokkra af samferðamönnum Glenns Gould en þá hitti umsjónarmaður í heimaborg píanistans Toronto vorið 2023.
Umsjón: Guðni Tómasson.
