Hernámsæskan

2. þáttur: Hernaður og stríðsráðstafanir

Í öðrum þætti er dregin upp mynd af athöfnum hersins og stríðsógnum sem Íslendingar stóðu frammi fyrir. Meðal annars er sagt frá hergöngum, heræfingum, loftvörnum og hernaðaraðgerðum Þjóðverja hér við land. Þá gera sjónarvottar grein fyrir heimsókn forsætisráðherra Breta, Winston Churchill, en koma hans vakti að vonum mikla athygli.

Viðmælendur eru: Adolf Bjarnason, Árni Valur Viggósson, Björn Sigurbjörnsson, Frantz Pétursson, Guðmundur Einarsson, Hafsteinn Flórentsson, Ingibjörg Árelíusardóttir, Jón Sigvaldason, Magnús Erlendsson, Sigurður Jóhannesson, Sigurjón Björnsson, Sigurjón Vilhjálmsson, Vigdís Jack og Þórunn Melsteð.

Umsjón og dagskrárgerð: Leifur Reynisson. Ritstjórn og samsetning: Gígja Hólmgeirsdóttir. Tæknimaður: Lydía Grétarsdóttir

Ljósmynd: Minjasafnið á Akureyri.

Frumflutt

22. des. 2023

Aðgengilegt til

Rennur ekki út

Hernámsárin stóðu yfir á árunum 1940-1945 og voru einn örlagaríkasti tími þjóðarinnar. Í þessari þáttaröð verður saga tímabilsins sögð af sjónarhóli þeirra sem þá voru á æskuárum. Hvernig upplifði unga fólkið hernámið, hver voru samskiptin við herinn og hvaða áhrif hafði hernámið á æskulýðinn? Leifur Reynisson dregur fram munnlegar frásagnir víða um land og fléttar saman við samtímaupptökur og tónlist tímabilsins.