Gleymdar gleðistundir

1. þáttur - Upphafið

Nýútskrifaður íslenskur leikari fær hugmynd þegar hann sér vinsæla óperettusýningu í Kaupmannahöfn. Austurrískur tónlistarmaður kemur til landsins til að þjálfa íslenska hljómsveit fyrir Alþingishátíðina á Þingvöllum. Og smjörlíkisframleiðandi frá Eyrarbakka brennur fyrir listum og menningu.

Þannig verða fyrstu skrefin til í sögu óperu- og óperettuflutnings á Íslandi.

Viðmælendur í þættinum eru Árni Heimir Ingólfsson, tónlistarfræðingur, Guðjón Friðriksson, sagnfræðingur, Jón Karl Helgason, bókmenntafræðingur, Ólöf Kolbrún Harðardóttir, söngkona, Páll Baldvin Baldvinsson, Una Margrét Jónsdóttir, dagskrárgerðarmaður og Þórhildur Þorleifsdóttir, leikstjóri.

Lesarar í þættinum eru Anna Marsibil Clausen, Magnús Guðmundsson, Pétur Grétarsson og Stefán Jónsson.

Birt

30. ágúst 2026

Aðgengilegt til

Rennur ekki út

Óperur og óperettur rötuðu ekki á íslenskt leiksvið fyrr en á fjórða áratug síðustu aldar.

Margar af fyrstu uppfærslunum urðu geysivinsælar en eru flestum gleymdar í dag. Á meðan kreppan lagðist þungt á íslenskt samfélag skemmti fólk sér við að syngja og tralla með persónum úr evrópskum hástéttarævintýrum. Á sviðinu ríkti glaumur og gleði en bak við tjöldin var tekist á.

Umsjón og dagskrárgerð: Bjarni Thor Kristinsson