Djasshátíð Reykjavíkur

Frelsissveitin og Davíð Þór

Frelsissveitin (Iceland’s Liberation Orchestra) frumflutti nýtt verk eftir Hauk Gröndal á Djasshátíð Reykjavíkur í Norðurljósum Hörpu föstudaginn 28. ágúst kl 19.

Píanókonsert skrifaðan fyrir Davíð Þór Jónsson og Frelsissveitina.

Þátturinn hefst á viðtali Péturs Grétarssonar við Hauk Görndal og Davíð Þór Jónsson, um samstarfið og verkið, sem er ca. 50 mín. að lengd í 7 þáttum. Þar er teflt fram ótal litbrigðum, frjálsum spuna og skrifuðum köflum. Raddir sveitarinnar fá allar að njóta sín í telepatísku samspil nokkurra af færustu spunahljóðfæraleikurum Íslandsjazzins.

Flytjendur voru:

Davíð Þór Jónsson | píanó

Haukur Gröndal | saxófónn

Óskar Guðjónsson | saxófónn

Ólafur Jónsson | saxófónn

Snorri Sigurðarson | trompet

Sólveig Magnúsdóttir | flauta

Birgir Steinn Theódórsson | bassi

Matthías Hemstock | trommur