Bakslag varð á áformum íslenska líftæknifyrirtækisins Alvotech um að setja á markað í Bandaríkjunum hliðstæðu að mest selda líftæknilyfi heims, gigtarlyfinu Humira. Bandaríska lyfjastofnunin tilkynnti í annað sinn á minna en ári að það muni ekki veita fyrirtækinu markaðsleyfi að svo stöddu og hefur gert fjölmargar athugasemdir við framleiðsluna. Róbert Wessmann, forstjóri Alvotech verður gestur Kastljóss.

Það er mikilvægt að læknar gefi sér tíma til að skoða sjúklinga strax í upphafi og taki mark einkennum þeirra segir Jósep Blöndal, trúnaðarlæknir hjá Heilsuvernd, sem rætt var við í Kastljósi. Þetta undirstriki saga Helenu Gylfadóttur, sem sagt var frá í síðasta mánuði en hún greindist með krabbamein eftir tveggja ára þrautagöngu þar sem hún var ranglega greind með vefjagigt.