Bandarísk bíómynd frá 2008. Eftir Watergate-hneykslið tók breski sjónvarpsmaðurinn David Frost nokkur viðtöl við Richard Nixon, fyrrverandi Bandaríkjaforseta og á þeim er þessi mynd byggð. Nixon þagði í þrjú ár eftir að hann hraktist úr embætti en sumarið 1977 féllst hann á að ræða um forsetatíð sína og Watergate-hneykslið í einu sjónvarpsviðtali. Fyrir það fékk hann vel borgað og valdi sjálfur spyrilinn enda hélt hann að að hann gæti vafið Bretanum um fingur sér og rétt hlut sinn í huga bandarísku þjóðarinnar. En annað kom á daginn þegar kveikt var á myndavélunum. Leikstjóri er Ron Howard og aðalhlutverk leika Frank Langella og Michael Sheen. Myndin er ekki við hæfi barna yngri en 12 ára.