1. apríl 2025, kl. 11:30.

Þættir frá 2016 þar sem litið er um öxl yfir 50 ára sögu sjónvarps og fróðleg og skemmtileg augnablik rifjuð upp með myndefni úr Gullkistunni. Kynnir er Jóhanna Vigdís Hjaltadóttir. Dagskrárgerð: Egill Eðvarðsson.

Egill Helgason tengir bækur við ýmsa staði á landinu.

Matgæðingarnir í Price-fjölskyldunni töfra fram kræsingar við öll tækifæri. Hér nýta þeir ferskasta hráefnið úr héraðinu hverju sinni.

Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Fyrsta fjármáláætlun nýrrar ríkisstjórnar var kynnt í morgun og hagræða á um ríflega hundrað milljarða hjá hinu opinbera á næstu árum. Rýnt er í fjármálaáætlunina í Kastljósi kvöldsins með Ásgeiri Brynjari Torfasyni ritstjóra Vísbendingar og doktor í fjármálum og Ólafi Stephensen, framkvæmdastjóra Félags atvinnurekenda.

Fatahönnuðurinn Arason segir flíkur sínar eiga að standast bæði tímans og tískunnar tönn í 20 ár. Hann skilgreinir vel klæddan karlmann í Kastljósi kvöldsins.

Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Í þættinum er rætt um fyrirhugaðar hækkanir á veiðigjöldum og um fjármálaáætlun ríkisstjórnarinnar.

Gestir í fyrri hluta

Dagur B Eggertsson þingmaður Samfylkingarinnar

Sonja Yr Þorbergsdóttir formaður BSRB

Ingibjörg Isaksen þingmaður Framsóknarflokksins

Vilhjálmur Árnason þingmaður Sjálfstæðisfloksins

Gestir í seinni hluta

Kristinn Jónasson bæjarstjóri i Snæfellsbæ

Jón Páll Hreinsson bæjarstjóri Bolungarvík

Arna Lára Jónsdóttir þingmaður Samfylkingarinnar

24 stærstu sveitarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson.

Lið Fjarðabyggðar og Garðabæjar eigast við í 16 liða úrslitum.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Eliza Reid er gestur í Kilju vikunnar. Hún segir frá nýrri spennusögu sem hún hefur skrifað og kemur út bæði á íslensku og ensku. Diplómati deyr er nafnið á bókinni. Sofia Nannini er ítalskur arkitektúrsagnfræðingur sem fékk áhuga á íslenskri steinsteypu og segir okkur frá bók sem hún hefur sett saman og nefnist The Icelandic Concrete Saga. Sæunn Gísladóttir er búsett á Siglufirði, starfar á Akureyri, og kemur í þáttinn með fyrstu skáldsögu sína sem heitir Kúnstpása. Eyþór Árnason rabbar um ljóðabók sína Þar sem dragsúgurinn er hvítur refur og flytur kvæði úr henni. Gagnrýnendur þáttarins fjalla um ævisögu Geirs H. Haarde, Fólk og flakk eftir Steingrím J. Sigfússon og Besta vin aðal eftir Björn Þorláksson. Þátturinn er á dagskrá nokkuð seinna en venjulega sökum afhendingar Edduverðlauna - en það borgar sig alveg að bíða.

Heimildarþættir frá BBC þar sem Chris Packham fær fólk á einhverfurófi til að sýna hvernig hugur þess virkar og aðstoðar það við að tengjast fjölskyldu sinni og vinum á nýjan hátt.

Íslensk heimildarþáttaröð í þremur hlutum um hönnun á Íslandi og hátíðina HönnunarMars sem var haldin í Reykjavík í tíunda sinn árið 2018. Við kynnumst lífi og starfi hönnuða í dag og köfum ofan í þessa fjörugu hátíð sem tekur yfir höfuðborgina í mars á hverju ári. Dagskrárgerð: Janus Bragi Jakobsson, Kolbrún Vaka Helgadóttir og Tinna Ottesen.

Í þriðja og síðasta þætti fjöllum við um hátíðina HönnunarMars, sem skipulögð var í fyrsta sinn undir þéttum takti búsáhaldabyltingarinnar. Hátíðin skapaðist í miðju hruni og kveikti vonarneista hjá vonlítilli þjóð. Hún er frábrugðin erlendum hönnunarhátíðum að því leyti að almenningur tekur virkan þátt og höfuðborgin fær yfir sig líflegan blæ meðan á hátíðinni stendur. Við þræðum hátíðina með Angel Trinidad blaðamanni frá Hollandi, hjólum á milli opnana og dönsum líka smá.

Róbert og hressu hvolparnir í Hvolpasveitinni eru komin aftur og takast á við ný verkefni og nýja þorpara eins og þeim einum er lagið.

Lærið um tölustafina með Tölukubbunum!

Sammi brunavörður og félagar hans á slökkvistöðinni standa vaktina í Pollabæ.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Kveikur er fréttaskýringaþáttur með fjölbreyttar áherslur. Ritstjórn og dagskrárgerð: Arnar Þórisson, Árni Þór Theodórsson, Gunnhildur Kjerúlf Birgisdóttir, Ingólfur Bjarni Sigfússon, Ingvar Haukur Guðmundsson, Jóhann Bjarni Kolbeinsson, Kristín Sigurðardóttir, og Tryggvi Aðalbjörnsson.

Sænsk þáttaröð frá 2019 þar sem tíu þátttakendur reyna að komast af í langvarandi rafmagnsleysi. Hversu vel erum við sem samfélag undirbúin fyrir óvænt neyðarástand, til dæmis af völdum náttúruhamfara?

Breskir gamanþættir sem fylgja hinni fimmtugu Lindu eftir á meðan hún gengur í gegnum breytingaskeiðið. Aðalhlutverk: Susan Lynch, Bridget Christie og Monica Dolan.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Þriðja þáttaröðin um daglegt líf og hættulegt starf lögregluþjóna í Malmö og ógnvekjandi andrúmsloftið sem gerir stöðugt erfiðara að aðskilja vinnuna og einkalífið. Þættirnir eru ekki við hæfi barna yngri en 12 ára.

Bresk glæpaþáttaröð frá 2022 byggð á sönnum atburðum. Samfélagið í námuþorpi á Mið-Englandi sundrast þegar tveir íbúar þess finnast myrtir. Lögregluna grunar að morðin tengist yfirstandandi námuverkfalli. Aðalhlutverk: David Morrissey, Lesley Manville og Robert Glenister. Þættirnir eru ekki við hæfi barna yngri en 16 ára.