Bursti heimsækir leikskólann! Allt er nýtt og spennandi og margt sem Bursti þarf að læra í hinum stóra leikskólaheimi.

Mörgæsirnar Haddi og Bibbi haga sínu lífi eftir F-unum þremur. Fjör, fiskur og félagsskapur.

Litla Ló býr með Kisu, bróður sínum Húgó, foreldrum sínum - og líka álfinum Búa sem býr í holu í veggnum. Búi er algjör töframaður og á hverjum degi býður hann Litlu Ló og Kisu í nýtt ævintýri úti í náttúrunni.

Trymbill fer á flakk með systkinunum Hildi og Theó, sem eiga það þó til að gleyma honum. Þá hefjast sko ævintýri Trymbils!

Lærið um tölustafina með Tölukubbunum!

Símon er hress og skemmtileg kanína sem tekst á við alls kyns áskoranir og lærir af mistökum sínum.

Önnur þáttaröð um Lalla, sem færir ykkur allan heiminn þegar hann grípur litina sína. Hann er svo flinkur að teikna hann Lalli!

Róbert og hvolparnir mæta nýjum áskorunum og sanna enn og aftur að ekkert verkefni er of stórt fyrir litla hvolpa.

Þriðja þáttaröðin um hina vinsælu Blæju og Hælbein fjölskylduna. Daglegt líf fjölskyldunnar gengur sinn vanagang, en hins vegar er enginn dagur eins þegar Blæja og Bára eiga í hlut.

Hinir upprunalegu klassísku Strumpar í uppfærðri útgáfu í tilefni af 65 ára afmæli þáttanna.

Fjörugir þættir um sjóræningjastelpuna Rán og Sævar sem flýgur sinni eigin sjóflugvél.

Rebekka er ung stúlka sem er að læra á lífið, skólann og tilveruna. Örvar er græn veira sem lenti hjá mannfólkinu. Saman eru þau ótrúlegt teymi.

Þriðja þáttaröðin um Elías, unga og áhugasama björgunarbátinn. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Kári, Villi og Hanna lenda í alls kyns ævintýrum og þurfa að standa saman til að takast á við illmennið Ívar.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Breskir heimildarþættir frá 2020. Getur smokkfiskur sökkt skipi? Er kóngulóarvefur sterkari en stál? Vinirnir Tim Warwood og Adam Gendle hætta lífi sínu til að komast að athyglisverðum sannleika um hin ýmsu dýr.

Nýir þættir sem fjalla um hringrásarhagkerfið, þar sem hlutir og hráefni fara í hring og eins manns rusl verður annars fjársjóður. Umsjón: Sigríður Halldórsdóttir og Freyr Eyjólfsson. Framleiðsla: Republik.

Er hægt að byggja hús úr rusli? En hampsteypu eða hráefnum sem voru einu sinni í öðru húsi? Eru gömul húsgögn jafngóð og ný?

Price-bræður halda í sælkeraferð um Norðulönd. Þeir töfra fram kræsingar í Svíþjóð, Noregi og Finnlandi.

Heimildamynd í tveimur hlutum um Árna Magnússon. Fjallað um uppvöxt Árna á Íslandi, menntun og fyrri hluta starfsævi hans hér og í Danmörku. Dagskrárgerð: Sigurgeir Steingrímsson og Jón Egill Bergþórsson.

Helstu fréttir dagsins af innlendum og erlendum vettvangi. Alla daga, árið um kring.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Þórdís Claessen, Hafsteinn Vilhelmsson, Elsa María Guðlaugs - Drífudóttir og Amanda Guðrún Bjarnadóttir. Dagskrárgerð: Jóhannes Jónsson, Elvar Örn Egilsson, Hjalti Stefánsson og Björgvin Kolbeinsson.

Í Landanum í kvöld hittum við konu úr Kópavogi sem hefur haft mikil áhrif á líf heillar fjölskyldu á Indlandi. Við fylgjumst með ljósmyndara sem býr til sýnar eigin myndavélalinsur úr Niðurfallsrörum, við heyrum af Tjaldi sem er kostgangari á heimili á Suðurlandi og við förum í glæsilegt gallerí á afviknum stað.

Sænskir heimildarþættir frá 2023 um fornleifafundi í Svíþjóð. Bátagrafir frá víkingaöld sem fundust fyrir utan Uppsali hafa leitt ýmislegt í ljós, bæði um ferðalög á víkingaöld og stríðsmenn Eiríks sigursæla Svíakonungs. Þar að auki er fjallað um fjársjóð sem fannst í skógi nálægt Alingsås sem reyndist stærsti bronsaldarfundur í Svíþjóð.

Sænskir þættir um keramikgerð þar sem Ika Johannesson ræðir við fólk sem hefur lagt fyrir sig keramiklist og kynnist ýmsum aðferðum við að búa til muni úr leir.

Upptaka frá tónleikum Mugisons og tónlistarhópsins Cauda Collective í tilefni af tíu ára útgáfuafmæli plötunnar Haglél. Hópurinn flytur lögin á plötunni í nýjum útsetningum fyrir klassísk hljóðfæri unnar af hljóðfæraleikurum Cauda Collective og Mugison sjálfum. Flytjendur: Sigrún Harðardóttir fiðluleikari, Þóra Margrét Sveinsdóttir víóluleikari, Þórdís Gerður Jónsdóttir sellóleikari, Borgar Magnason bassaleikari, Grímur Helgason klarínettuleikari og Matthías Hemstock slagverksleikari ásamt Mugison. Dagskrárgerð og umsjón: Snærós Sindradóttir og Þór Freysson.

Dægurmálaþættir frá 1990. Umsjón: Valgeir Guðjónsson. Stjórnandi: Eggert Gunnarsson.

Danskir þættir um ungt par sem vill einfalda líf sitt og hefur búskap.

Anne Dorothea á mjög sérstakan besta vin, björgunarhundinn Bessa!

Hugrakki og uppátækjasami refurinn Pablo flyst úr sveit í borg ásamt systkinum sínum.

Víkingaprinsessan Guðrún býr úti í óbyggðum og á í sterku samband við náttúruna og dýrin.

Í þessum þáttum kynnumst við afkvæmum dýra frá mismunandi stöðum um allan heim! Við fræðumst um hvernig þau þroskast, hvernig þau sækja sér æti og svo margt margt fleira!

Dýralífsþættir sem gefa okkur dásamlega innsýn inn í undraveröld villtu dýranna.

Við höfum séð Sebastian Klein vera bitinn, brenndan og stunginn - en nú fer hann til Afríku og kynnist áhugaverðum dýrum.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.

Landinn kíkti á æfingu hjá hressum krökkum í hestamannafélaginu Funa í Eyjafjarðarsveit, en Funi er eitt fárra félaga á Íslandi sem býður upp á kennslu í TREC.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Þórdís Claessen, Hafsteinn Vilhelmsson, Elsa María Guðlaugs - Drífudóttir og Amanda Guðrún Bjarnadóttir. Dagskrárgerð: Jóhannes Jónsson, Elvar Örn Egilsson, Hjalti Stefánsson og Björgvin Kolbeinsson.

Ævintýralegir breskir þættir frá 2021 með David Tennant í aðalhlutverki. Heimshornaflakkarinn Phileas Fogg heldur af stað í ferðalag. Hann ætlar sér að fara umhverfis jörðina á 80 dögum. Þættirnir eru byggðir á samnefndri skáldsögu eftir franska rithöfundinn Jules Verne. Aðalhlutverk: David Tennant, Ibrahim Koma og Leonie Benesch.

Dönsk spennumynd frá 2021 með Mads Mikkelsen í aðalhlutverki. Hermaðurinn Markus er sendur heim til Danmerkur þegar eiginkona hans deyr í lestarslysi. Sorg hans breytist í hefndarhug þegar maður sem einnig var í lestinni heimsækir Markus og segir honum að ekki hafi verið um slys að ræða heldur vandlega skipulagt banatilræði. Leikstjóri: Anders Thomas Jensen. Önnur aðalhlutverk: Nikolaj Lie Kaas, Lars Brygman og Nicolas Bro. Myndin er ekki við hæfi barna yngri en 16 ára.

Margverðlaunuð kvikmynd byggð á sönnum atburðum. Aida er túlkur á vegum Sameinuðu þjóðanna í smábænum Srebrenica árið 1995. Þegar serbneski herinn hertekur bæinn er fjölskylda Aidu á meðal þúsunda sem leita skjóls í búðum Sameinuðu þjóðanna. Myndin var valin besta myndin á Evrópsku kvikmyndaverðlaununum 2021. Leikstjóri: Jasmila Zbanic. Aðalhlutverk: Jasna Djuricic, Izudin Bajrovic og Boris Ler. Myndin er ekki við hæfi barna yngri en 12 ára.