Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.

Tveggja og hálfs árs drengur er á batavegi eftir að hafa veikst skyndilega af sjaldgæfum taugasjúkdómi sem lamaði hann og olli hjartastoppi. Bati hans þykir undraverður en hann var í hjartastoppi í 69 mínútur. Kastljós kynnti sér sögu Tristans Loga.

Kaupsamningum hefur snarfækkað með hækkandi stýrivöxtum og nú stefnir í verulegan samdrátt í uppbyggingu á íbúðarhúsnæði - sem gæti svo aftur leitt til enn meiri húsnæðiseklu og verðhækkana þegar fram í sækir. Hvernig er hægt að rjúfa þennan vítahring og halda dampi í íbúðaruppbyggingu í verðbólgu og hávaxtaumhverfi. Sigurður Hannesson, framkvæmdastjóri hjá Samtökum iðnaðarins, og Jóhann Páll Jóhannsson, þingmaður Samfylkingarinnar, fóru yfir málið.

Það er allt á suðupunkti í Liverpool daginn áður en Diljá tekur þátt í síðari undanriðli Eurovision á fimmtudag. Önnur þjóð sem tekur þátt er Ástralía en Sigurður Þorri hitti fulltrúa þeirra á opnunarhátíðinni.

Spurningakeppni framhaldsskólanna frá 1990. Spyrill: Steinunn Sigurðardóttir. Dómari: Sonja B. Jónsdóttir. Umsjón: Sigrún Sigurðardóttir. Stjórn útsendingar: Sigurður Jónasson.

Í þessum þætti mætast lið Menntaskólans við Hamrahlíð og Menntaskólans í Reykjavík. Lið Menntaskólans við Hamrahlíð skipa Snorri Einarsson, Stefán Eiríksson og Jón Yngvi Jóhansson. Lið Menntaskólans í Reykjavík skipa Andri Konráðsson, Þorsteinn Davíðsson og Kristrún Heimisdóttir.

Spurningaþættir í stjórn Felix Bergssonar og dr. Gunna. Í þáttunum takast íslenskar hljómsveitir á í æsispennandi spurningaleik, þar sem gáfur og viska, ásamt snerpu, atgervi og heppni ráða niðurstöðunni - já og tónlistarhæfileikar. Sextán hljómsveitir taka þátt í keppninni að þessu sinni. Stjórn upptöku: Helgi Jóhannesson.

Skemmtiþáttur þar sem Hemmi Gunn tekur á móti góðum gestum í sjónvarpssal. Slegið á létta strengi, stiginn dans og sungið. Hljómsveit: Ásgeir Óskarsson, Finnbogi Kjartansson, Magnús Kjartansson og Vilhjálmur Guðjónsson. Dagskrárgerð: Egill Eðvarðsson. Umsjónarmaður: Hermann Gunnarsson.

Sjálfstætt framhald þáttanna Hvað höfum við gert? Í þessum stuttu, hnitmiðuðu þáttum er fjallað um fjölbreyttar lausnir við loftslagsvandanum. Lausnirnar eru ólíkar, en eiga það allar sameiginlegt að gera lífið á jörðinni enn betra. Umsjón: Sævar Helgi Bragason. Framleiðandi: Sagafilm.

Í ár verður 26. loftslagsfundurinn í Glasgow og eru einmitt 125 ár síðan sænski vísindamaðurinn og nóbelsverðlaunahafinn Svante Arrhenius setti fram tilgátu um samhengi milli koldíoxíðs og hlýnunar jarðar. Í dag er hitastig jarðar hærra en það hefur verið í fjórar milljónir ára og fáir sem reyna að þræta fyrir ábyrgð mannsins á því. Á fundinum í Glasgow gefst tækifæri til að snúa þróuninni við.

Í tilefni af 30 ára afmæli Söngvakeppninnar á RÚV var samið sérstakt afmælislag.

Upptaka af afmælissyrpu Söngvakeppninnar 2016 þar sem keppendur fyrri ára fluttu brot úr lögum sínum í tilefni af 30 ára afmæli Söngvakeppninnar.

Abbe getur stöðvað tímann þegar hlutirnir ganga ekki upp eins og hann vill. Þegar foreldranir hlusta ekki, stóri bróðir er alveg sama og heimurinn er ósanngjarn þá hrópar Abbe STOPP og þá stöðvast allt. Nú er það hann sem ræður.

Naomi er mætt aftur með enn þá fleiri furðuverur frá öllum heimshornum. Hvað óargardýr ætli hræði hana núna?

Gleðiverkfæri Gleðiskruddunnar eru þættir sem byggjast á hugmyndafræði jákvæðrar sálfræði. Í hverjum þætti er eitt gleðiverkfæri kynnt sem hefur þann tilgang að efla sjálfsþekkingu, jákvæðar tilfinningar, auka vellíðan, bjartsýni og von og um leið aðstoða börn og ungmenni að takast á við verkefni og áskoranir daglegs lífs.

Verkefni tengd þættinum má finna á glediskruddan.is

Umsjón: Marit Davíðsdóttir og Yrja Kristinsdóttir.

Hvað eru tilfinningar og af hverju eru þær gagnlegar? Í þessum þætti lærum við um ólíkar tilfinningar og hvernig við getum sett nafn á þær.

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Fréttir á einföldu og auðskildu máli.

Krakkafréttir dagsins: 1. Eurovision: Kolbrún í Liverpool 2. UNICEF-hreyfingin

Umsjón: Karitas M. Bjarkadóttir

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Beinar útsendingar frá Eurovision í Liverpool.

Bein útsending frá seinni undankeppni Eurovision í Liverpool þar sem Diljá stígur á svið fyrir Íslands hönd. Þulur er Gísli Marteinn Baldursson. Útsendingin er á sama tíma á RÚV 2 með táknmálstúlkun.

Skemmtiatriði sem flutt var í hléi í Eurovision í Liverpool.

Þættir um íslenska dægurtónlist. Tónlistarmenn koma í stutt viðtöl í Stúdíó RÚV og færa landsmönnum tónlist heim í stofu. Stjórn upptöku: Þór Freysson.

Umsjón: Atli Már Steinarsson.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Bandarísk þáttaröð um slökkviliðsmenn og bráðaliða í Chicago en hetjurnar á slökkvistöð 51 víla ekkert fyrir sér. Meðal leikenda eru Jesse Spencer, Taylor Kinney, Eamonn Walker og David Eignberg. Þættirnir eru ekki við hæfi barna yngri en 12 ára.

Bresk spennuþáttaröð frá 2021. Önnur röðin af spennuþáttunum um rannsóknarlögreglumanninn Julien Baptiste. Í þetta sinn fer hann til Ungverjalands til að aðstoða breska sendiherrann þegar fjölskyldu hennar er rænt þar í landi. Aðalhlutverk: Tchéky Karyo, Fiona Shaw, Stuart Campbell og Miklos Béres. Þættirnir eru ekki við hæfi barna yngri en 16 ára.