Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir og Sigríður Dögg Auðunsdóttir. Í beinni útsendingu alla virka daga á eftir Fréttum og Veðri.
Flokksráð Vinstri grænna samþykkti um helgina ályktun um að hækka ætti veiðigjöld. Hvernig hyggst flokkurinn, sem hefur ráðuneyti sjávarútvegs á sínum snærum fylgja málinu eftir og hvaða áhrifum má gera ráð fyrir að það hefði á fyrirtæki í sjávarútvegi og sjávarbyggðir? Kastljós ræðir við Bjarkeyju OIsen Gunnarsóttur, þingmann og fulltrúa Vg í atvinnuveganefnd, og Þorgerði Katrínu Gunnarsdóttur, formann Viðreisnar2, sem hefur talað fyrir útboðsleið til að stuðla að raunverulegt markaðsvirði fáist fyrir aflann.
Menningarvetrinum er hleypt af stokkunum með tónlistarveislunni Klassíkin okkar í beinni útsendingu frá Hörpu annað kvöld. Kastljós leit á æfingu hjá Sinfóníuhljómsveit Íslands og rýnir líka það sem efst er á baugi í tónlistarlífinu í vetur.
