Dönsk þáttaröð um ungt par sem flutti út á land og hóf þar búskap. Áhorfendur fá að fylgjast með daglegu lífi fjölskyldunnar á bænum.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Heimildarþáttaröð þar sem rifjuð eru upp mörg af eftirminnilegustu íþróttaafrekum Íslendinga. Rætt er við okkar fremsta íþróttafólk sem og íþróttafréttamenn um ógleymanlega viðburði í íslenskri íþróttasögu.

Þáttur um Íslandsmótin í rallý, torfæru og ýmsu öðru. Dagskrárgerð: Bragi Þórðarson.

Ferða- og matreiðsluþáttur þar sem Kristinn Guðmundsson ferðast með vini sínum Janusi Braga og eldar fyrir hann. Nú fara þeir um Dýrafjörð þar sem þeir eru alls ekki á heimavelli. Dagskrárgerð og framleiðsla: Kristinn Guðmundsson.

Kristinn og Janus Bragi eru að mestu við gömlu hjallana á Sandaskerjum í þessum þætti. Þeir eru svo ánægðir með móttökurnar að þeir bjóða í heljarinnar lamba-fjöruveislu þar sem tveir lambaskrokkar frá Gemlufalli eru eldaðir í fjöruborðinu.

Eftir að hafa kynnst menningu rappara og uppistandara er kominn tími til að kynnast nördum í Reykjavík. Dóri DNA fer á stúfana og kemst að því hvers vegna nördar eiga eftir að erfa heiminn. Dagskrárgerð: Gaukur Úlfarsson.

Í þriðja þætti er fjallað um tölvuleiki. Dóri heimsækir meðal annars íslenskt tölvuleikjafyrirtæki og fylgist með Íslandsmeistarmótinu í skotleiknum Counter Strike.

Þættir frá árunum 1989-1990 í umsjón Jóns Gunnars Grjetarssonar. Kynntar eru helstu gönguleiðir á þeim stöðum sem heimsóttir eru. Stjórn upptöku: Björn Emilsson.

Ofurhetjur þurfa líka að setjast á skólabekk. Þessir óvenjulegu fyrstu bekkingar vekja mikla kátínu í þessum norsku ofurhetjuþáttum.

Fótboltabaráttan heldur áfram og keppast Jamie og félagar um að gera liðið sitt sem sterkast. En með nýjum aðstoðarþjálfara og nýjum liðsmönnum koma ný átök. Bæði á vellinum og utan hans.

Lestu fyrir einhvern sem elskar að hlusta!

Stutt umfjöllun Sumarlandans sem var á flakki sumarið 2020 og hitti landann fyrir uppi á fjöllum, úti í garði, á tjaldsvæðinu, vinnustaðnum, hjólastígnum og víðar.

Umsjónarmenn: Gísli Einarsson, Guðríður Helgadóttir, Hafsteinn Vilhelmsson, Helga Margrét Höskuldsdóttir og fleiri.

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Matreiðsluþættir í umsjá Nigellu Lawson. Sjónvarpskokkurinn ástsæli deilir hér allra handa eldhúsráðum sem gera hversdagsmatinn bæði gómsætan og girnilegan - og það með lítilli fyrirhöfn.

Finnsk-sænskur heimildarþáttur um Miru sem ákvað að hefja kynleiðréttingarferli á unglingsaldri og hefur lifað sem transmaður síðan. Nú er Mira 26 ára og langar að verða kona á ný.

Danskir heimildarþættir. Markaðssetning áhrifavalda er orðin að iðnaði sem veltir milljörðum. Við fylgjumst með þremur farsælum umboðsmönnum sem gera ábatasama samninga milli eigenda vörumerkja og áhrifavalda.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Bandarísk þáttaröð um slökkviliðsmenn og bráðaliða í Chicago en hetjurnar á slökkvistöð 51 víla ekkert fyrir sér. Meðal leikenda eru Jesse Spencer, Taylor Kinney, Eamonn Walker og David Eignberg. Atriði í þáttunum eru ekki við hæfi barna yngri en 12 ára.