Skjálftinn fór fram laugardaginn 11. nóvember í íþróttahúsinu í Þorlákshöfn. Skjálftinn er hæfileikakeppni fyrir sunnlensk ungmenni byggð á Skrekk sem Reykjavíkurborg hefur haldið fyrir sín ungmenni í meira en 30 ár. Markmið Skjálftans er að efla sköpunargáfu, æfa ungmenni í að hugsa út fyrir rammann, kenna verklag og þjálfa þau í markvissu, langvinnu hópastarfi. Með Skjálftanum er verið að jafna tækifæri ungmenna til náms, óháð búsetu og gefa þeim kost á að kynnast ólíkum störfum innan sviðslista, þar á meðal þeim mikilvægu störfum sem eru unnin á bak við tjöldin.