Steytti á skeri við Húsavík

12.07.2017 - 18:12
Mynd með færslu
 Mynd: Sædís Rán Ægisdóttir
Smábátur strandaði við Kaldbaksnef, rétt sunnan við Húsavík, á fimmta tímanum í dag. Einn maður var um borð og sakaði hann ekki. Báturinn er óskemmdur.

Björgunarsveitin Garðar á Húsavík var kölluð út vegna strandsins og fór þegar af stað á björgunarbátnum Jóni Kjartanssyni. Þá bað Landhelgisgæslan nærstadda báta um að fara á staðinn.

Einn maður var um borð í smábátnum, en lítil hætta var talin á ferð, enda blíðuveður þegar þetta gerðist og spegilsléttur sjór. Talið er að bátinn hafi rekið upp á skerið.

Björgunarsveitarmenn drógu bátinn á flot og er hann óskemmdur að sögn félaga í Björgunarsveitinni Garðari.

Ágúst Ólafsson
Fréttastofa RÚV