Maður, vertu þú sjálfur
Tímamótaleikritið Pétur Gautur eftir Henrik Ibsen fagnar 150 ára afmæli á þessu ári. Verkið hefur farið sigurför um allan heim og markaði ákveðin skil á höfundaferli Ibsens, einu mesta leikskáldi sem Norðurlöndin hafa alið.
Það er því vert að rifja upp þetta merka verk og velta vöngum yfir því hvert erindi þess er í dag, hvort það eigi enn við og hvort ný kynslóð kunni að meta það.
Rætt er við Karl Ágúst Úlfsson leikara sem þýddi verkið, Kötlu Þórudóttur Njálsdóttur leikkonu sem leikið hefur Pétur Gaut og Sólrúnu Ylfu Ingimarsdóttur fiðluleikara um tónlist Edvards Griegs sem talin er vera ein lífseigasta og ástsælasta leikhústónlist allra tíma.
Umsjón: Anna María Björnsdóttir
