Við komumst einnig að því að fordómar gagnvart fólki með geðrænar áskoranir eru enn mjög útbreiddir samkvæmt niðurstöðum nýrrar rannsóknar sem Geðhjálp kynnti í dag. Um fjórir af hverjum tíu segjast mótfallnir því að manneskja með geðklofaeinkenni gegni opinberu embætti. Gestir Kastljóss voru Sigrún Ólafsdóttir, prófessor í félagsfræði og Héðinn Unnsteinsson, formaður Geðhjálpar.

Við ræddum við Maríu Björk Ingvadóttur, framkvæmdastjóra sjónvarpsstöðvarinnar N4 á Akureyri um áskoranirnar sem fylgja því að reka sjónvarpsstöð á landsbyggðinni.

Við litum við á bak við tjöldin í undirbúningi evrópsku kvikmyndaverðlaunanna sem veitt verða í Hörpu á laugardag og ræddum við þá sem koma að þessum risastóra viðburði.