Skila efni rafrænt
Hér hleður þú inn upplýsingum og viðbótargögnum um dagskrárefni til RÚV. Öll lýsigögn þarf að skila inn rafrænt í gegnum mitt.ruv.is
Skrá gögn
Skilareglur fyrir dagskrárefni í sjónvarp
Allt efni sem RÚV tekur á móti til birtingar í sjónvarpi þarf að uppfylla staðla útsendingakerfa. Hér má finna leiðbeiningar um hvernig efni skal skilað.
Skil á dagskrárefni til RÚV
Skil á öllu dagskrárefni og upplýsingar um þau gögn sem þörf er á að fá fer rafrænt í gegnum mitt.ruv.is. Flýtileið má finna hér að neðan
Eftirfarandi gögn þurfa að fylgja með dagskrárefni:
- Handrit/samtalslisti/þulartexti/textaskjöl.
- Kreditlisti; nöfn og hlutverk allra þátttakenda. Dæmi um kreditlista.
- Stutt lýsing á viðfangsefni (synopsis).
- Fyrir þáttaröð þarf að skila lýsingu á viðfangsefni hvers þáttar.
- Listi yfir safnaefni, bæði frá RÚV og annað aðkeypt eða lánað efni.
- Upplýsingar um rétthafa
- Tónlistarskýrsla fyrir STEF (sjá eyðublað). Dæmi um útfyllta STEF skýrslu.
- Myndstefskýrsla fyrir Myndstef (sjá eyðublað). Dæmi um útfyllta skýrslu fyrir Myndstef.
Skýr heiti skráa
- Skrár sem skilað er inn skal merkja með skýrum hætti.
Dæmi: S01_EP01_Nafn á seríu.mxf - Möppur á þjóninum skulu einungis vera merktar titlum dagskrárefnis en ekki framleiðslufyrirtæki eða öðru.
- Skilafrestur er 10 virkum dögum fyrir sýningu á dagskrárefni.
Mikilvægt er að senda staðfestingarpóst um skil myndskráa á media.center@ruv.is. Annars telst efni ekki móttekið.
Staðlar fyrir mynd
Staðlar fyrir hljóð
Útsendingareintak af mynd/þætti
Vinsamlegast sendið skýrar niðurhalsupplýsingar ef notaðir eru aðrir þjónar eða skilaleiðir.
Sendið tölvupóst á media.center@ruv.is þegar búið er að senda efni.
Hlaða upp útsendingareintaki af kvikmynd eða þætti
Hlaða skal upp útsendingarefni í gegnum Signiant-gátt RÚV. Setja þarf upp Signiant vafraviðbótina. Útgáfa þarf að vera upprunaleg útgáfa með grafík og kredit, enginn innbrenndur skjátexti.
Hlaða upp útsendingarefni
Kynningarefni, stiklur og annað fyrir dagskráefni
- Skila skal fullunnum stiklum fyrir hvern þátt eða verkefni í síðasta lagi tveimur vikum fyrir sýningu.
- Stiklan þarf að vera 30-40 sekúndur, passa skal að það sé ca. 10 sekúndna hali í lokin fyrir rödd RÚV þar sem er bara tónlist, ekkert tal.
- Stiklum skal skilað með sundurliðuðum hljóðsporum. Tal, effektar og tónlist, allt á sér hljóðsporum fyrir hljóðvinnslu.
- Ekki setja grafík í lokin á stiklunni.
- Aðrar tæknilegar þarfir þurfa að vera eins og kemur fram hér að ofan.
Í lokin er sett grafík í neðra vinstra hornið sem og efra hægra hornið sem er alltaf eins, gera skal ráð fyrir því. Sjá mynd:
Grafík, lokaskilti og annað má finna á síðunni um merki RÚV.
Hlaða upp stiklum
Hlaða skal stiklum (trailerum) vel merktum á Signiant-gátt kynningardeildar. Mikilvægt er að senda póst á kynningardeild@ruv.is til að tilkynna skil.
Hlaða upp stiklum
Samfélagsmiðlar
- Kynningarmynd í hlutföllum: 1:1, 4:5 og 9:16 til notkunar á Facebook og Instagram.
- Stutt myndbönd í hlutföllum 4:5 og 9:16 til notkunar á Facebook, Instagram og TikTok. Myndbönd skulu vera textuð og efnið getur verið eitthvað af eftirfarandi:
- Sérframleitt efni
- Brot úr þættinum
- „Behind the scenes“-efni