Brot úr þáttaröðinni Íþróttaafrek Íslendinga.

Brot úr þáttaröðinni Íþróttaafrek Íslendinga. Í þessum þætti er fjallað um körfuknattleiksmanninn Pétur Guðmundsson, sem var fyrsti Íslendingurinn til að spila í NBA-deildinni.

Beinar útsendingar frá HM kvenna í fótbolta 2023.

Bein útsending frá leik Þýskalands og Marokkó á HM kvenna í fótbolta.

Íslensk lög úr níunni. Hver eru uppáhalds níu-lögin þín? Þættir frá 2023 sem gerðir voru í tilefni 40 ára afmælis Rásar 2.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.

Í byrjun árs hélt kvennakór Grindavíkur sína fyrstu formlegu söngæfingu. Berta Dröfn Ómarsdóttir kórstjóri og forsprakki hópsins segir að mikið hafi verið ýtt á hana að stofna kvennakór en flestar af þeim 20-30 konum sem syngja í kórnum sungu saman á sínum yngri árum.

Beinar útsendingar frá HM kvenna í fótbolta 2023.

Bein útsending frá leik Brasilíu og Panama á HM kvenna í fótbolta.

Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Spurningakeppni framhaldsskólanna frá 1997. Spyrill: Davíð Þór Jónsson. Dómari og spurningahöfundur: Ragnheiður Erla Bjarnadóttir. Stigavörður: Katrín Jakobsdóttir. Dagskrárgerð: Andrés Indriðason.

Í þessum þætti mætast lið Menntaskólans í Reykjavík og Menntaskólans á Egilsstöðum í undanúrslitum. Lið Menntaskólans í Reykjavík skipa Viðar Pálsson, Arnór Hauksson og Sverrir Guðmundsson. Lið Menntaskólans á Egilsstöðum skipa Stefán Bogi Sveinsson, Þórður Mar Þorsteinsson og Hrafnkell Freyr Lárusson.

Þættir frá 1999 þar sem raðað er saman ýmsum brotum sem tengjast menningu og listum, auk umræðu um fróðleg og framandi mál. Umsjón hefur Jónatan Garðarsson. Dagskrárgerð: Haukur Hauksson og Þiðrik Ch. Emilsson. e.

Ásgrímur Sverrisson kvikmyndagerðarmaður ræðir við íslenska kvikmyndagerðarmenn um myndir þeirra. Brugðið er upp völdum atriðum úr myndunum og rætt um hugmyndirnar sem að baki þeim liggja.

Í þessum þætti er rætt við Þorfinn Guðnason kvikmyndastjóra.

Þorfinnur útskrifaðist 1987 frá California College of Arts and Crafts þar sem hann lagði stund á nám í kvikmyndagerð. Í framhaldi af því hóf hann störf hjá Sjónvarpinu þar sem hann starfaði um árabil sem myndatökumaður, klippari og dagskrárgerðarmaður. Um miðbik tíunda áratugsins sneri hann sér að gerð heimildamynda. Fyrsta myndin sem hann sendi frá sér var Húsey árið 1995. Önnur mynd hans er Hagamús: með lífið í lúkunum, sem vakti mikla athygli og hefur verið sýnd og verðlaunuð víða um lönd. Þriðja mynd Þorfinns er Lalli Johns frá árinu 2001. Myndin var sýnd í Háskólabíói á sínum tíma við áður óþekktar vinsældir heimildamyndar á vettvangi kvikmyndahúsa. Hún hlaut einnig Edduverðlaunin sem heimildamynd ársins. Fjórða heimildamynd Þorfinns, Grand Rokk, fjallar um andrúmsloftið á samnefndu veitingahúsi, 2004 sendi hann frá sér fimmtu mynd sína, Hestasögu, sem einnig hefur ferðast víða og nýjasta mynd hans er Klink & Bank sem er um starfsemi ungra listamanna í gamla Hampiðjuhúsinu í Reykjavík.

Sumarlandinn svífur yfir landið í sumar og drepur niður fæti hvar sem eitthvað skemmtilegt er að gerast. Sem fyrr verður farið út og suður, vítt og breitt, langt yfir skammt og allt þar á milli. Umsjón: Gísli Einarsson, Guðríður Helgadóttir, Þórgunnur Oddsdóttir, Elsa María Drífudóttir, Hafsteinn Vilhelmsson, Halla Ólafsdóttir, Þórdís Claessen, Jóhann Alfreð Kristinsson og Steiney Skúladóttir. Tónlistarkonan Árný Margrét sér um tónlistina. Dagskrárgerð: Magnús Atli Magnússon, Elvar Örn Egilsson, Jóhannes Jónsson, Björgvin Kolbeinsson og Karl Sigtryggsson. Ritstjóri: Gísli Einarsson.

Við kynnum okkur kofabyggð í Grundarfirði þar sem kornungir smiðir hafa reist heilt þorp.

Við fylgjumst með vegagerð í Refasveit á Vestfjörðum.

Við brögðum á ýmsum kræsingum sem framleiddar eru á Djúpavogi undir yfirskriftinni Matur úr héraði.

Við skoðum vélsleðasafn í Neskaupstað sem stillt er upp úti í garði á hverju sumri þegar sleðafæri er yfirleitt ekkert.

Við kynnum okkur líka garðrækt í Hafnarfirði.

Sænskur matreiðsluþáttur í umsjón Anne Lundberg og Pauls Svensson. Þau grænvæða vinsæla rétti og skora á kokka að vinna með nýstárlegt hráefni. Jurtaríkið er einungis nýtt að hluta til matar og því er þar enn falin matarkista. Þau ferðast um Skán í leit að hinu óþekkta græna hráefni.

Arkitektinn Charlotte Thiis-Evensen heimsækir starfssystkini sín og sýnir áhorfendum hvernig þau búa.

Íslensk lög úr níunni. Hver eru uppáhalds níu-lögin þín? Þættir frá 2023 sem gerðir voru í tilefni 40 ára afmælis Rásar 2.

Fimmburarnir Allan, Allan, Allan, Allan og Allan eru alveg eins í útliti og alveg jafn miklir ærslabelgir. Þeir gera sitt besta til að vera með eins mikil læti og hægt er.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Litlu lundasystkinin Úna og Bubbi búa á eyjunni Lundakletti. Þau lenda sífellt í nýjum ævintýrum með vinum sínum.

Daglegt líf Hælbein fjölskyldunnar gengur sinn vanagang. Hins vegar er enginn dagur eins þegar Blæja og Bára eiga í hlut.

Vinalegi hundurinn Sámur hvetur börn til þess að kanna umhverfi sitt og takast á við verkefni í sameiningu.

Skemmtilegir þættir um hugmyndaríku stúlkuna Kötu sem ferðast með fjólubláu kanínunni Mumma til ævintýraheimsins Mummaheims.

Íslensk lög úr níunni. Hver eru uppáhalds níu-lögin þín? Þættir frá 2023 sem gerðir voru í tilefni 40 ára afmælis Rásar 2.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Stutt umfjöllun Sumarlandans sem var á flakki sumarið 2023 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring.

Samantekt frá leikjum dagsins á HM kvenna í fótbolta.

Heimildarmynd frá BBC. Hópur vísindamanna beitir nýjustu tækni og upplýsingum sem fengust frá könnunarfarinu Juno til að leita undir yfirborð Júpíters og kanna hvaða undur leynast þar.

Gráglettin finnsk glæpaþáttaröð um rannsóknarlögreglukonuna Mariu Pudas sem rannsakar glæpi í stærsta lögregluumdæmi heims, Lapplandi. Stuðst er við raunverulega glæpi sem gerst hafa á svæðinu í handriti þáttanna. Aðalhlutverk: Saara Kotkaniemi, Iina Kuustonen og Heikki Ranta. Þættirnir eru ekki við hæfi barna yngri en 16 ára.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Heimildarmynd um íslenska popptónlist sumarið 1998. Tuttugu og fjórar hljómsveitir og tónlistarmenn koma fram í myndinni, í tali og tónum. Leikstjóri: Ágúst Jakobsson. Myndin er ekki við hæfi barna yngri en 12 ára.

Keppni aflraunamanna á Vestfjörðum var haldin í júlí 2021, 29. árið í röð, og þar þreyttu sterkustu menn Íslands fjölbreyttar þrautir. Í þættinum er fylgst með æsilegri keppni og átökum og fjallað um fleira sem fyrir augu bar á Vestfjörðum meðan á keppninni stóð. Umsjón: Samúel Örn Erlingsson. Dagskrárgerð: Óskar Þór Nikulásson.

Heimildarþáttaröð þar sem nokkrir helstu viðburðir íþróttasögunnar eru rifjaðir upp. Rætt er við íþróttafrömuði um víða veröld sem velta sögulegum viðburðunum fyrir sér.

Heimildarþáttaröð þar sem nokkrir helstu viðburðir íþróttasögunnar eru rifjaðir upp. Í þættinum er fjallað um endurkomu Liverpool og Ólympíuleikana í Mexíkó árið 1968.

Brot úr þáttaröðinni Íþróttaafrek Íslendinga.

Brot úr þáttaröðinni Íþróttaafrek Íslendinga. Í þessum þætti er fjallað um frjálsíþróttakonuna Völu Flosadóttur sem vann til bronsverðlauna í stangarstökki á Ólympíuleikunum í Sidney árið 2000.

Brot úr þáttaröðinni Íþróttaafrek Íslendinga.

Beinar útsendingar frá HM kvenna í fótbolta 2023.

Bein útsending frá leik Kólumbíu og Suður-Kóreu á HM kvenna í fótbolta.