„Gott að hafa sveit í sveitinni“

„Við erum sveitungar við Jói,“ segir Harpa Þorvaldsdóttir. Hún stofnaði hljómsveitina Brek ásamt Jóhanni Inga Benediktssyni og segir áhrif sveitarinnar allt umlykjandi í tónlist sveitarinnar. „Sveitin er góð,“ segir Harpa. „Það er gott að hafa sveit í sveitinni,“ samsinnir Jóhann.

Nafn hljómsveitarinnar var ákveðið eftir nokkrar vangaveltur. „Okkur fannst skemmtilegt að nota íslenskt orð: þetta kemur úr orðinu bernskubrek,“ útskýrir Jóhann. „Þar sem bernskan er hægt og rólega að sigla frá okkur standa brekin eftir.“

Í hljómsveitinni Brek eru:

Guðmundur Atli Pétursson, mandolín

Harpa Þorvaldsdóttir, söngur og píanó

Jóhann Ingi Benediktsson, gítar og söngur

Sigmar Þór Matthíasson, kontrabassi

Brek fluttu fjögur lög í Stúdíó RÚV sem finna má hér í spilara RÚV.