Root

Kosningar

Forsetakosningar 2024

Dagskrá sjónvarps

Dagskrá útvarps

Auðskilið

Fréttir á auðskildu máli

Ríkisútvarpið

Um RÚV

Íþróttir

Menning og dægurmál

Forsíða

Innlendar fréttir

Erlendar fréttir

Kveikur

Fréttir

Menning

Mannlíf

Bókmenntir

Tónlist

Gagnrýni

Júlía Aradóttir

Málvísindakonan Alba lifir fremur einföldu lífi; hún kennir málvísindi við háskólann og prófarkales handrit til útgáfu. Hún fær í hendurnar ljóðahandrit fyrrverandi nemenda síns sem byggja á ástarsambandi þeirra. Hún er ekki reiðubúin að horfast í augu við það strax og festir því kaup á landskika úti á landi þar sem hún hyggst rækta eigin sælureit.

Eden eftir Auði Övu Ólafsdóttur

Dularfullt hljóð angrar íbúa Reykjavíkur og virðist stafa frá göngubrúnni yfir Hringbraut. Í kjölfar þess að hljóðsins verður vart skjóta dularfull fyrirbæri upp kollinum sem virðast storka lögmálum eðlisfræðinnar. Vísindaskáldsagan Ljósagangur segir frá ungum manni og konunni sem hann elskar, ástarsambandi þeirra, og dularfulla hljóðinu sem sögumaður kallar nið aldanna.

Ljósagangur eftir Dag Hjartarson

Kvikmyndakonan Villa er stödd á kvikmyndahátíð að kynna heimildarmynd sína um útigangs- og smáglæpamanninn Dimma. Bókin segir frá Villu og viðfangsefni myndarinnar, ólíkindatólinu Dimitri, Dimma, Óskarssyni og fleiri persónum sem glíma við fíkn og áföll af jaðri samfélagsins.

Tól eftir Kristínu Eiríksdóttur

Fjölskrúðug ættarsaga sem spannar langan tíma, allt frá fyrri heimsstyrjöld að árinu 2089. Sagan hverfist um Jóhönnu, einstæða móður og forritara, sem grúskar í fjölskyldu sögu sinni og kynnist draumum og þrám forfeðra sinna. Ritari ættarsögunnar hefur tekið sér töluvert skáldaleyfi og þræðir töfraraunsæis eru dregnir fram.

Lungu eftir Pedro Gunnlaug Garcia

Háskólaprófessorinn Eyjólfur hrökklast úr starfi vegna óviðeigandi framkomu og sest að á Dölum. Þar finnur hann kistil fullan af skjölum og sogast inn í heim miðalda á Íslandi. Sagan hefur tvö sögusvið, nútíma Eyjólfs og 15. öld á Íslandi þar sem þjóðin var þjökuð af svarta dauða og lenti í hringiðu evrópskra stjórnmála.

Hamingja þessa heims: Riddarasaga eftir Sigríði Hagalín Björnsdóttur

Samsett mynd með kápum þeirra fimm bóka sem tilnefndar eru í flokki skáldverka til Íslensku bókmenntaverðlaunanna 2022. Það eru bækurnar Eden eftir Auði Övu Ólafsdóttir, Ljósagangur eftir Dag Hjartarson, Tól eftir Kristínu Eiríksdóttur, Lungu eftir Pedro Gunnlaug Garcia og Haminja þessa heims eftir Sigríði Hagalín.

325284126_693600762392164_4703248250708949437_n

Íslensku bókmenntaverðlaunin og Íslensku glæpasagnaverðlaunin verða veitt eftir helgi, þriðjudaginn 24. janúar, við hátíðlega athöfn á Bessastöðum. Menningarvefur RÚV fjallar um þær skáldsögur sem tilnefndar eru í flokki skáldverka.

Fimm framúrskarandi skáldsögur sem eru tilnefndar til bókmenntaverðlauna