Bayern München hafði betur gegn Glasgow Celtic í umspili í Meistaradeild karla í Evrópu í fótbolta. Alphonso Davies jafnaði metin í blálok uppbótartímans og leik kvöldsins lauk með 1-1 jafntefli. Hinn þýski Nicolas-Gerrit Kühn hafði komið Celtic yfir á 63. mínútu eftir röð mistaka hjá Bayern. Bayern vann fyrri leikinn í Skotlandi 1-2 og dugði því jafntefli.
AC Milan er úr leik eftir 1-1 jafntefli gegn Feyenoord sem vann einvígið samanlagt 3-2.
Þá vann Club Brugge 1-3 útisigur gegn Atalanta og einvígið samanlagt 2-4.
Benfica sló Monaco út í æsispennandi viðureign eftir 3-3 jafntefli í kvöld. Benfica vann einvígið samanlagt 4-3.
