Arsenal stendur afar vel að vígi gegn Real Madrid í 8-liða úrslitum Meistaradeildar Evrópu í fótbolta. Leikmenn Arteta unnu 3-0 sigur eftir að markalaust var í hálfleik. Declan Rice skoraði tvö mörk, á 58. og 70. mínútu. Spánverjinn Mikel Merino bætti þriðja markinu við á 75. mínútu. Eduardo Camavinga fékk rautt spjald í uppbótartíma.
Seinni leikurinn verður 16. apríl.
Þá vann Inter Milan góðan útisigur á Bayern München. Lautaro Martinez kom ítölsku gestunum yfir á 38. mínútu. Gamla brýnið Thomas Müller jafnaði metin á 85. mínútu en Davide Frattesi kom Inter aftur yfir skömmu síðar.
