Valur og Þór Akureyri mættust á Hlíðarenda í 8-liða úrslitum úrvalsdeildar kvenna í körfubolta í dag. Þrátt fyrir að Þór hafi endað sæti ofar í deildinni unnu Valskonur óvæntan sigur í spennandi fyrsta leiknum á Akureyri.
Spennan var ekki jafn mikil í dag því Valskonur voru 13 stigum yfir strax eftir fyrsta leikhluta og 18 stigum yfir í hálfleik, 51-33. Valskonur unnu svo öruggan sigur, 102-75 og eru því komnar 2-0 yfir í einvíginu. Vinna þarf þrjá leiki til að komast í undanúrslit.
Dagbjört Dögg Karlsdóttir skoraði 20 stig fyrir Val í dag.RÚV / Mummi Lú
Stjarnan og Njarðvík mætast kl. 18. Það er annar leikur liðanna eftir að Njarðvík vann fyrsta leikinn.
