María Kristín Ólafsdóttir frá Skíðagöngufélaginu Ulli og Dagur Benediktsson frá SFÍ urðu í dag Íslandsmeistarar í 10 km göngu á Skíðamóti Íslands í Hlíðarfjalli á Akureyri.
Dagur sigraði eftir hörkuspennandi keppni við Einar Árna Gíslason sem varð í öðru sæti, aðeins 3 sekúndum á eftir Degi sem varð einnig Íslandsmeistari í sprettgöngu í gær. Ástmar Helgi Kristinsson varð þriðji.
Í kvennaflokki kom Karin Björlinger frá Svíþjóð fyrst í mark en María Kristín varð Íslandsmeistari. Önnur var Árný Helga Birkisdóttir og í þriðja sæti Sigríður Dóra Guðmundsdóttir. Íslandsmótinu lýkur á morgun.
Verðlaunahafar í fullorðinsflokkum 10 km göngu.Skíðasamband Íslands
