Lokaumferð úrvalsdeildar kvenna í handbolta fór fram í kvöld. Þrátt fyrir tap gegn Haukum, 24-25, náði ÍBV sjötta og síðasta sætinu inn i úrslitakeppnina. ÍBV endaði með 10 stig eins og Stjarnan sem endar í sjöunda sæti og þarf að fara í umspil um að halda sæti sínu í deildinni. Stjarnan tapaði 34-23 fyrir Valskonum sem höfðu þegar tryggt sér deildarmeistaratitilinn.
Ída Margrét Stefánsdóttir, leikmaður Gróttu, sem er fallin úr Olísdeildinni.RÚV / Mummi Lú
Grótta féll úr deildinni eftir tap gegn ÍR, 31-26. Þá vann Fram öruggan sigur á Selfossi, 28-34. Valur og Fram urðu í tveimur efstu sætunum og sitja því hjá í upphafi úrslitakeppninnar. Þar mætast annars vegar Haukar og ÍBV og hins vegar Selfoss og ÍR.
