Fimm leikir fóru fram í ensku úrvalsdeild karla í fótbolta í dag. Manchester City fékk Brighton í heimsókn en liðin skildu jöfn 2-2 eftir að heimamenn misstu forystuna í tvígang. Einungis eitt stig skilur liðin að, City er í fimmta sæti deildarinnar með 48 stig og Brighton í því sjöunda með 47.

Erling Haaland setti met í ensku úrvalsdeildinni þegar hann varð fyrstur til þess að skora eða leggja upp 100 mörk í undir 100 leikjum.

Þá var markaveisla þegar Ipswich tók á móti Nottingham Forest en Forest vann 2-4 sigur. Nottingham Forest er í þriðja sæti.

Önnur úrslit

Everton 1 - 1 West Ham
Southampton 1 - 2 Wolverhampton
Bournemouth 1 - 2 Brentford