HSÍ tilkynnti í dag að uppselt væri á leik Íslands og Grikklands í undankeppni Evrópumótsins 2026. Leikurinn er á morgun kl. 16 og bíður íslenska liðsins stuðningur rúmlega 2000 áhorfenda í Laugardalshöll. Sigur tryggir sæti Íslands á EM í 14. sinn í röð.

Fyrir þau sem ekki fengu miða má benda á að leikurinn er að sjálfsögðu sýndur beint á RÚV og hefst útsending úr Höllinni klukkan 15:30.

Helga Margrét Höskuldsdóttir heldur utan um upphitun í Stofunni og gestir verða Logi Geirsson og Kári Kristján Kristjánsson. Einar Örn Jónsson og Vignir Stefánsson lýsa svo leiknum.