Greipur Ásmundarson og Agnes Matthildur Folkmann eru Íslandsmeistarar í grjótglímu 2025. Þetta er fyrsti Íslandsmeistaratitill þeirra í grjótglímu.

Keppt var í fjórum brautum í Klifurhúsinu. Fyrirkomulagið er með þeim hætti að keppendur vita ekki fyrir fram hvernig brautin er hönnuð. Þeir fá skamma stund til að virða þrautina fyrir sér áður en hafist er handa.

Átta konur og átta karlar kepptu til úrslita. Agnes náði þremur toppum af fjórum. Greipur vann Reykjavík International Games nýverið auk þess að vera Íslandsmeistari í línuklifri.

Viðtöl við Íslandsmeistarana birtast í kvöldfréttum á þriðjudagskvöld auk helstu tilþrifa.