Bandaríski kylfingurinn Scottie Scheffler jafnaði met Tigers Woods er hann fékk verðlaun sem kylfingur ársins á PGA mótaröðinni þriðja tímabilið í röð.
Scheffler keppti árið 2021 í klæðnaði sem var til heiðurs Tigers. Rauður bolur og svartar buxur voru einkenni Tigers um árabil.EPA-EFE / ERIK S. LESSER
Scheffler er efstur á heimlistanum og tók heim Jack Nicklaus-verðlaunin þar sem hann hlaut 91% atkvæða. Kylfingar mótaraðarinnar kjósa um kylfing ársins. Scheffler vann sjö titla á tímabilinu og var það í fyrsta sinn frá árinu 2007 þegar Tiger Woods náði því afreki.
Rory McIlroy hefur fengið verðlaunin þrisvar en þó ekki þrisvar í röð. Tiger hefur fengið verðlaunin ellefu sinnum á ferlinum. Hann fékk þau fimm sinnum í röð frá 1999 til 2003 og svo aftur þrisvar í röð frá 2005 til 2007.
