„Ég er ofboðslega ánægður með þær“

Eftir sigurinn í kvöld er Ísland í þriðja sæti riðils­ins með tvö stig, jafn­mörg og Þýskaland en liðin mætast í úr­slita­leik á þriðju­dags­kvöld um hvort þeirra fylg­ir Hollandi upp úr riðlinum.

Arnar Pétursson segir sínar stelpur klárar í slaginn fyrir þá baráttu. „Við erum alltaf að eflast í svona leikjum og þessi leikur við Þjóðverja mun verða bara flottur og skiptir okkur ofboðslega miklu máli, sama hvernig hann fer,“ segir Arnar.

„Við spiluðum mjög vel í fyrri hálfleik, vorum stórkostlegar svo sáum við í seinni hálfleik að það voru allir meðvitaðir um hvað var undir og við urðum svolítið varkárar en ég er ofboðslega ánægður með þær.“