Heimsmeistararnir Danir komust í undanúrlslit í handbolta karla á Ólympíuleikunum í dag eftir nauman sigur á Svíum í háspennuleik, 32-31. Jafnt var í hálfleik 16-16 og spennan var í hámarki fram á síðustu sekúndu. Svíar fengu tækifæri til að jafna á lokasekúndunum og vildu fá víti en dómararnir, tvíburasysturnar Charlotte og Julie Bonaventura, dæmdu ekkert og Danir náðu að hanga á boltanum út leiktímann.

Það munaði því ekki miklu að fyrstu þrír leikir átta liða úrslitanna færu í framlengingu. Spánn og Þýskaland komust þannig áfram fyrr í dag eftir sigra gegn Egyptalandi og Frakklandi. Noregur og Slóvenía mætast í lokaleik 8-liða úrslitanna í kvöld.