Root

Dagskrá sjónvarps

Dagskrá útvarps

Auðskilið

Fréttir á auðskildu máli

Ríkisútvarpið

Um RÚV

Íþróttir

Menning og dægurmál

Forsíða

Innlendar fréttir

Erlendar fréttir

Kveikur

Fréttir

Viðburðadagatal

Fram undan í beinni

ÓL 2024

EM 2024

Fótbolti

Handbolti

Körfubolti

Fimleikar

Golf

Sund

Frjálsíþróttir

Jóhann Páll Ástvaldsson

<figure class="richtext-image full-width img-id-385467"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0hhc3RlaW5zdm9sbHVyX2FaR3ZwOUYuanBnIiwgImVkaXRzIjogeyJyZXNpemUiOiB7IndpZHRoIjogIjgwMCIsICJmaXQiOiAiY292ZXIifX19" alt="Mynd af fótboltavellinum Hásteinsvelli í Vestmannaeyjum" title="iro_20240423_144702909" /><figcaption>Nordic Stadiums</figcaption></figure>Hásteinsvöllur trónir á toppnum en völlurinn ratar iðulega á lista yfir stórfenglegustu velli heims. Það eru fáir betri vellir á sólríkum sumardegi, með dalinn í bakgrunn. Þetta var í raun aldrei spurning.Kristjana: „Það er erfitt að keppa við Vestmannaeyjar. Svo mörg voru þau orð.“Vanda: „Glöggt er gests augað. Árin 2002 og 2003 var ég að þjálfa kvennalið KR og annað árið voru í liðinu tvær knattspyrnukonur frá Bandaríkjunum. Við fórum til Eyja að keppa við ÍBV og þær tvær gátu varla hitað upp, svo hrifnar voru þær af útsýninu frá Hásteinsvelli. Ég hafði satt að segja ekki tekið eftir þessu fyrr, ekki með þeim hætti sem ég gerði þarna. Ég stoppaði, horfði í kringum mig og tók inn alla þessa dásemd. Sannarlega eitt fallegasta vallarstæði landsins að mínu mati.“Bolli: „Þarna kynntist ég knattspyrnu, ég bjó fyrstu sex ár ævi minnar í Eyjum. Andri bróðir minn fór með mig á nokkra leiki og það var ást við fyrstu sýn. Það keppir enginn völlur við fegurðina sem Hásteinsvöllur býr yfir. Það þarf ekkert að verja þetta val.“Klara: „Eitt fallegasta vallarstæði landsins án efa.“Arna: „Þetta var auðveldasta valið. Vallarstæðið fær 10,5 í einkunn. Orkan frá útsýninu og náttúrunni er rosaleg. Tala nú ekki um þegar þú slysast á sólríkan dag og 5 m/sek. Ekki langt síðan nýir klefar voru teknir í notkun sem eru stórir og góðir. Stúkan nálægt og áhorfendur geta nánast staðið inni á vellinum og gefið þér misvinaleg komment, alvöru læti.“<blockquote data-block-key="apca1">Adda: „Ekki spurning. Alltaf gott grasið, umhverfið í kringum völlinn dásamlegt. Alltaf gott veður þegar ég hef spilað þarna. Vel tekið á móti manni af heimamönnum, ávextir í klefanum, stórir og góðir klefar og síðast en ekki síst meistararnir í stúkunni sem svoleiðis láta mann heyra það allan leikinn. (Hallbera reifst við einhvern í stúkunni í hverjum einasta leik).“</blockquote>Birkir: „Ægifagurt útsýni úr stúkunni yfir bjargið á móti. Klárlega flottasta vallarstæði landsins.“Gunni Birgis: „Margir myndu eflaust hafa þennan í efsta sæti en fyrir mér er þetta ekki einu sinni í efsta sæti í Vestmannaeyjum. Frábær völlur engu að síður og náttúran verður ekki meiri einhvern veginn.“Terje: „Stórkostlegur völlur. Umhverfið er stórbrotið og allt við þennan stað er töfrum líkast. Völlurinn sjálfur er frábær með tveimur flottum stúkum og fallegum náttúrulegum grasvelli. Vel þekktur innan samfélags vallaráhugamanna víða um heim. Allir vilja heimsækja þennan völl. Ég fór á leik gegn Val í júlí 2022 og þetta er einn af betri leikjum sem ég hef séð á minni ævi“Telma Ívars: „Á góðum degi er þetta bara fallegasti völlur landsins og nýju klefarnir eru geggjaðir!“<blockquote data-block-key="7n86t">Logi: „Vallarstæði í stórbrotinni náttúru. Frábær stemning á leikjum - háðsglósur að hætti Eyjamanna sem vekja hlátur og gleði, en allt er þetta góðlátlegt grín og særir engan.“</blockquote>Magnús Már: „Stórkostlegt vallarstæði. Það er ástæða fyrir því að þessi völlur hefur ratað á lista í svona keppnum erlendis.“Helena: „Það er eitthvað annað að spila undir heimakletti. Mér fannst alltaf virkilega gaman að koma til Eyja og spila við ÍBV. Minningin er kannski svona sterk vegna þess að mér gekk alltaf vel að skora mörk á þessum velli og vann oftast.“Stefán Pálsson: „Þegar gervigreindinni var sýnd mynd af Hásteinsvelli brást hún við með því að segja: þetta er svindl! Ég get ekkert keppt við svona! Algjörlega stórkostlegt vallarstæði og einn af örfáum fótboltavöllum sem hafa leikið sjálfa sig í veigamiklu hlutverki í bíómynd.“

Hásteinsvöllur, Vestmannaeyjum

<figure class="richtext-image full-width img-id-385466"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL09sYWZzdmlrdXJ2b2xsdXJfZ29JNGdvSy5qcGciLCAiZWRpdHMiOiB7InJlc2l6ZSI6IHsid2lkdGgiOiAiODAwIiwgImZpdCI6ICJjb3ZlciJ9fX0=" alt="Mynd af fótboltavellinum í Ólafsvík" title="iro_20240423_144702359" /><figcaption>Nordic Stadiums</figcaption></figure>Umhverfi Ólafsvíkurvallar gerir hann einstakan. Ekki nóg með að fjall tróni yfir vellinum er glæsileg stúka, Ólafsvíkurkirkja sjálf og þá er völlurinn í miðjum bænum. Þá skemma skiltin alls ekki fyrir, en meðal styrktaraðila klúbbsins eru bæði trillur, togarar og útgerðarmenn.Bolli: „Laglegur völlur og flott umhverfi. Ég sem kirkjunnar maður elska að sjá kirkjuna í hæðinni. Svo næ ég alltaf að rífast aðeins við heimamenn þegar ég mæti, hef sérstakt dálæti á því. Harðir en sanngjarnir eins og Bollarinn.“<blockquote data-block-key="clive">Gunni: „Þar er á ferð einstakt vallarstæði og glæsileg aðstaða. Klárlega einn af fallegustu knattspyrnuvöllum í heiminum og á klárlega heima á heimsminjaskrá.“</blockquote>Adda: „Eitt flottasta vallarstæðið sem ég hef spilað á. Umhverfið og svo eru klefarnir með sjarma sem á að vera úti á landi.“Jói Skúli: „Kennileitisvöllur. Kirkjan, þarf ekki að útskýra nánar.“Birkir: „Ólafsvíkurkirkja setur flottan svip á vallarstæðið. Ekki margir vellir sem eru með kirkju sem hluta af áhorfendasvæðinu.“Terje: „Það er eitthvað sérstakt við þennan völl, við rætur eldfjalls og í miðju fallegs bæjar. Kirkjan er rétt við hliðina á vellinum og svo sérðu sjóinn úr stúkunni. Stúkan sjálf er einnig flott með glás af sætum. Ég sá leik heimamanna gegn Ægi þarna í júlí 2022.“<blockquote data-block-key="dhppv">Magnús Már: „Vinstri bakvörður verst með kirkju við hliðina á sér en er með áhorfendur í stúku ofan í sér þegar hann skokkar fram og fer yfir miðju. Einstakt.“</blockquote>Stefán Pálsson: „Skemmtilegt en um margt óvenjulegt vallarstæði. Fossinn í fjallinu fyrir ofan er hentugur. Þegar hann byrjar að falla upp í mót er líklegt að boltinn muni ekki haldast mikið niðri við jörðina þann daginn.“Telma Ívars: „Völlurinn er á frábærum stað og aðstaðan er mjög flott.“Helena: „Fallegt vallarstæði sem ég held mikið upp á. Þú finnur orkuna frá jöklinum og það er alltaf góð stemming í Víkinni fögru.“Logi: „Vallarstæði einkar vel fyrirkomið.“

Ólafsvíkurvöllur

<figure class="richtext-image full-width img-id-385565"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0dyeWx1dm9sbHVyX3RvcF8xMF9sdWtrLlBORyIsICJlZGl0cyI6IHsicmVzaXplIjogeyJ3aWR0aCI6ICI4MDAiLCAiZml0IjogImNvdmVyIn19fQ==" alt="Flottustu vellir landsins" title="iro_20240423_235415897" /><figcaption>Nordic Stadiums</figcaption></figure>Grýluvöllur í Hveragerði er völlur sem enginn gleymir. Lið Hamars er í fjórðu deild karla en völlurinn er í efstu deild, ef svo má að orði komast. Hverir, grasbrekka og alvöru neðri deildar fótbolti er uppskrift að frábærum leikdegi.Magnús Már: „Hvar annars staðar er hver í augsýn frá fótboltavelli?“<blockquote data-block-key="2v7gp">Gunnar á Völlum: „Það er eitthvað stórbrotið að vera á Grýluvellinum. Það er ekki bara einstök náttúra sem heillar heldur leitar hugur í að bæjaryfirvöld girði sig í brók og fullkomni völlinn.“</blockquote>Jói Skúli: „Ótrúlegur sjarmi yfir vallarstæðinu. Svo krúttlegt „fjall“ þarna upp við varamannaskýlin og svo útsýnið yfir Reykjadalinn og sumarbústaðinn minn séð „fjallsmegin“. Hef farið á alltof marga leiki þarna. Það er líka alltaf við hæfi að rifja upp eitt skemmtilegasta mark Íslandsmótsins frá upphafi.Þarna sjáum við Tindastól hreinsa boltann í innkast og boltinn virðist stefna langt inn í Reykjadal þegar Dr. Football sjálfur stígur út úr bílnum sínum og stoppar hann. Hann á flott kast á Ellert Finnboga Eiríksson forritara Arion Banka og bróður Bjarna Ólafs Eiríkssonar fyrrum A-landsliðsmanns. Ellert kastar boltanum svo fyrir þar sem eftir eitt skopp mætir Íslandsmeistarinn, hjartaknúsarinn og besti trúbador landsins Arnþór Ingi Kristinsson á ferðinni og á þessa glæsilegu bakfallsspyrnu. Allt meðan ligg ég þarna makindalegur í brekkunni að virða fyrir mér völlinn glæsilega.“<a href="https://youtu.be/89hDQrWG2vo?t=19" rel="nofollow" target="_blank">Sjá má mark Arnþórs og stoðsendingu Hjörvars hér.</a>Arna: „Náttúran!“<blockquote data-block-key="4b57k">Andri: „Hverir, fjöll og fótbolti. Þetta er þrenna sem fáir bæir geta státað sig af. Það var alltaf stemning að skreppa í blómabæinn og spila á Grýluvelli. Nema reyndar þegar fyrirliðinn þeirra kleip mig. Það var alls ekki gaman.“</blockquote>Adda: „Geðveikt vallarstæði.“Birkir: „Sennilega flottasta náttúrulega stúka landsins. Ef leikurinn heillar ekki, þá er hægt að rölta upp brekkuna og ná góðu útsýni yfir fjöllin og dalina í kring.“Gunni Birgis: „Rosalega sjarmerandi vallarstæði með alla hverina í kringum þig og fjöllin og ég veit ekki hvað og hvað.“<blockquote data-block-key="a5ena">Stefán Pálsson: „Er nokkuð svalara en að hafa goshver steinsnar frá fótboltavellinum sínum? Risastór plús fyrir að vera með flottasta nafnið í bransanum, bæði töff og með alvöru landfræðilega skírskotun. Hvergerðingar mættu slaka aðeins á í blakinu og körfunni og snúa sér að fótboltanum svo við förum að njóta þessa vallar ofar í deildarkeppninni.“</blockquote>Terje: „Fallegur náttúrulegur grasvöllur í Hveragerði. Hverirnir í kring eru einhvers konar náttúruleg „pyro“ sýning. Algjörlega einstakt. Ég sá leik þarna árið 2022 gegn GG á frábærum degi. Það er hægt að standa í grasstúkunni öðrum megin eða tylla sér í hlíðina.“Páll: „Eitthvað við þennan völl. Í minningunni, þegar maður var að brölta í neðri deildum, var einhvern veginn vonlaust að vinna þarna. Samt var Hamar alltaf í botnbaráttu. Þröngur og skemmtilegur völlur með fallegt útsýni. Hverir í næsta nágrenni setja skemmtilegan svip á svæðið.“

Grýluvöllur

<figure class="richtext-image full-width img-id-385750"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL1NrYWxsYWdyaW1zdm9sbHVyX3RvcF8xMC5QTkciLCAiZWRpdHMiOiB7InJlc2l6ZSI6IHsid2lkdGgiOiAiODAwIiwgImZpdCI6ICJjb3ZlciJ9fX0=" alt="Frá fótboltavellinum Skallagrímsvelli í Borgarnesi" title="iro_20240425_192443832" /><figcaption>Nordic Stadiums</figcaption></figure>Skallagrímsvöllur í Borgarnesi heillaði hópinn. Hlaupabraut er vanalega til trafala en þykir passa vel þarna. Þá er hægt að hreinsa boltann út í sjó, sem er alltaf kostur. Grasbrekkan hefur mikinn sjarma og þá er Bjössaróló ekki langt undan ef leikurinn er leiðinlegur.Gunnar á Völlum: „Í flokki knattspyrnuvalla með hlaupabrautum ber Borgnesingurinn af. Íþróttamannvirki í hæsta gæðaflokki<blockquote data-block-key="9q9ei">Jói Skúli: „Þessi völlur hefur allt. Það er hlaupabraut, það er grasbrekka sem stúka, það er möguleikinn á að djóka með að boltinn geti bara endað út í sjó þegar maður er að hita upp, það er gangan frá „íþróttahúsinu“ út á völlinn. Þetta er eini völlurinn í neðri deildunum þar sem ég upplifði að ég væri alvöru leikmaður þegar ég var að spila. Pavel hefur líka tekið geggjaðar myndir þar sem hann er uppi á klettinum að horfa á leiki. Þetta er lang flottasti völlur landsins.“</blockquote>Vanda: „Við erum umlukin sjó, sjórinn hefur haldið í okkur lífinu, hefur sannarlega gefið og tekið gegnum árhundruðin. Mér líður, eins og mörgum sem ég þekki, mjög vel við sjóinn og vildi því velja einn völl sem er nálægt sjó – og varð völlurinn í Borgarnesi fyrir valinu. Magnað vallarstæði. Afsakið kæru, yndislegu Skagamenn, þið sem tókuð mér svo vel og eruð líka nálægt sjó. Kannski hefði Langisandur átt að vera valmöguleiki 😊“Klara: „Sá völlur hefur alltaf verið í uppáhaldi hjá mér. Sérstaklega fallegt vallarstæði í Borgarfirðinum.“Andri: „Eftir stutta umhugsun endaði Skallagrímsvöllur á toppnum og það verðskuldað. Margir halda að Borgarnes sé bara „drive-through” bær, þangað til þeir sjá völlinn. Vallarstæðið er að sjálfsögðu það sem kemur þessum velli á toppinn. Með gróðursæla kletta á öðrum kantinum og sjóinn nánast bak við varamannaskýlin á hinum. Allavega þegar spilað er í háflóði. Hlaupabrautin í kringum völlinn er líka alltaf ákveðið krydd fyrir neðri deildar spilara. Gefur vellinum ákveðinn ólympíuleikvangsfíling. Mér skilst svo að boltarnir reki eins og rekaviður í garðana þarna í nágrenninu og íbúar skili þeim samviskusamlega til baka.“Birkir: „Þessi völlur fékk líka atkvæði hjá mér þó að hann sé með hlaupabraut í kring. Bratta hlíðin fyrir ofan völlinn og svo sjórinn fyrir neðan gerir vallarstæðið mjög flott.“<blockquote data-block-key="3dle5">Gunni Birgis: „Stutt í sjóinn, undir klettunum, góð stúka, þetta er stórkostlegur völlur.“</blockquote>Magnús Már: „Vanmetið vallarstæði. Sjór við aðra hliðarlínuna og klettar á hinum endanum. Eini völlurinn í heimi sem passar að hafa hlaupabraut í kringum. Líka einn af fáum völlum í heimi þar sem boltar fara reglulega á haf út.“Páll: „Stórbrotin staðsetning. Leiðinleg hlaupbraut en skemmtilegt áhorfendastæðið. Strangheiðarleg brekka. Svo er alltaf góð kynding þegar það er sundlaug á sama stað og búningsklefarnir. Mjög mikið úti á landi.“Stefán Páls: „Það er eitthvað færeyskt við að hafa eina eða fleiri hliðar vallarins skagandi út í sjó. Meira af þessu!“

Skallagrímsvöllur

<figure class="richtext-image full-width img-id-385570"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0tyaWtpX3RvcF8xMF9sdWtrLlBORyIsICJlZGl0cyI6IHsicmVzaXplIjogeyJ3aWR0aCI6ICI4MDAiLCAiZml0IjogImNvdmVyIn19fQ==" alt="Flottustu vellir landsins" title="iro_20240423_235415570" /><figcaption>Nordic Stadiums</figcaption></figure>Ef Kaplakriki skoraði, þá skoraði hann hátt.Gunnar á Völlum: „Það eru fáir vellir á Íslandi sem jafnast á við Kaplakrikann.“Bolli: „Hrikalega flottur, líklega besti völlur landsins fyrir áhorfendur. Svo á ég góða vini í FH og ber þá helst að nefna Ágúst Bjarna þingmann, Jón Rúnar og Brynjar Benediktsson.“<blockquote data-block-key="ci2qr">Arna: „Að mínu mati besti grasvöllur landsins. Grasið er gott og völlurinn er ofan í smá laut sem ég fíla. Klefarnir eru fínir og aðkoma er flott! Upphitunar-playlistinn hefur aldrei klikkað í Hafnarfirðinum.</blockquote>Adda: „Alltaf gott gras, það besta á landinu þegar hann er upp á sitt besta. Fínir klefar og alltaf góð stemming. Átti hrikalega góða stund snemma í október í stúkunni þar 2014 og það skemmir ekki fyrir.“Terje (komst þó ekki á topp tíu listann hans): „Stærsti félagsliða völlurinn og í heildina flottur völlur.“Telma Ívars: „Þegar grasið er upp á sitt besta er allt til alls.“Logi: „Sameinar margt sem prýða skal flottasta völl landsins. Aðkoma er góð, stúkusæti beggja vegna vallarins. Völlurinn sjálfur yfirleitt frábær, enda vel um hann hugsað. Náttúrugras, sem er kostur. Framtíðaráform eru metnaðarfull - loka hringnum með byggingum. Verður væntanlega dýrt, en eins og góður maður sagði, „byggjum þetta, það verður ekki rifið.“

Kaplakriki

<figure class="richtext-image full-width img-id-385563"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0tyX3ZvbGx1cl90b3BfMTBfcmV0dC5QTkciLCAiZWRpdHMiOiB7InJlc2l6ZSI6IHsid2lkdGgiOiAiODAwIiwgImZpdCI6ICJjb3ZlciJ9fX0=" alt="Flottustu vellir landsins" title="iro_20240423_235414618" /><figcaption>Nordic Stadiums</figcaption></figure>KR völlurinn virðist eiga sér stað í hjarta álitsgjafa. Frostaskjól, Meistaravellir eða hreinlega bara KR-völlurinn. Hvað sem þú vilt kalla hann og hvað sem þér kann að finnast um völlinn er hann samofinn sögu fótboltans á Íslandi.Gunnar á Völlum: „Það er alltaf gaman að koma í Frostaskjólið. Hann er virki.“Bolli: „Nú verður Valtýr Björn brjálaður við mig en ég er orðinn vanur því! Sjarmi yfir því að vera inni í svona þéttri byggð, þessi staður angar af fótbolta. KR er alltaf KR. Hlakka til að sjá þetta svæði fá nýja aðstöðu – kominn tími til.“<blockquote data-block-key="e2sgr">Adda: „Þegar Maggi bö fær sinn tíma og gott veðurfar að lappa upp á völlinn. Annars alltaf erfitt að spila í Skjólinu og mikil saga.“</blockquote>Gunni Birgis: „Þarna drýpur sagan af hverju strái og því eðlilegt að hafa hann þarna.“Terje: „Sígildur völlur í hjarta Reykjavíkur. Að mínu mati er þetta besti staðurinn til að horfa á fótbolta í höfuðborginni. Þetta er gamalgróið félag og völlur með mikla sögu. Stúkan er risastór í íslensku samhengi og þarna getur myndast góð stemning. Þegar ég var þarna voru stuðningsmenn syngjandi og það var góð stemning á regnvotu síðdegi.“Helena: „Ég spilaði nánast allan minn feril í Vesturbænum og leið alltaf vel að spila á mínum heimavelli. Þarna unnum við okkar fyrsta titil í meistaraflokki og fögnuðum nokkrum titlum á þessum velli. Ég eignaðist marga góða vini í KR sem halda enn hópinn í dag.“<figure class="richtext-image full-width img-id-313437"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL2tyX3N2YWVkaWQuSlBHIiwgImVkaXRzIjogeyJyZXNpemUiOiB7IndpZHRoIjogIjgwMCIsICJmaXQiOiAiY292ZXIifX19" alt="Íbúi á Meistaravöllum fylgist með æfingu KR liðsins frá heimili sínu í mynd sem fylgir nýju deiliskipulagi KR svæðisins." title="fre_20230508_193043740" /><figcaption>Reykjavíkurborg</figcaption></figure>Hugsanleg framtíðarplön á KR vellinum.<blockquote data-block-key="eg51j">Logi: „KR-völlurinn er skemmtilegur hverfisvöllur, það er gaman að spila á þeim velli. Vonandi fer eitthvað að gerast í vallar- og aðstöðumálum í Vesturbænum. Hybridgras á keppnisvöllinn.“</blockquote>Páll: „Eini völlurinn á höfuðborgarsvæðinu sem ratar hér inn. Þrátt fyrir að vera orðinn þreyttur að mörgu leyti þá er þetta sögufrægur völlur. Mitt inn í miðju íbúðarhverfi sem heldur vel utan um völlinn. Trjágróður sem veitir gott skjól og nálægðin við áhorfendur eins og hún gerist best. Þegar það er góð stemmning á KR-vellinum þá er hvergi skemmtilegra að vera.“

KR völlur

<figure class="richtext-image full-width img-id-385564"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0dyZW5pdmlrdXJ2b2xsdXJfdG9wXzEwLlBORyIsICJlZGl0cyI6IHsicmVzaXplIjogeyJ3aWR0aCI6ICI4MDAiLCAiZml0IjogImNvdmVyIn19fQ==" alt="Flottustu vellir landsins" title="iro_20240423_235414368" /><figcaption>Nordic Stadiums</figcaption></figure>Grenivíkurvöllur er heimavöllur magnaðra Magnamanna. Álitsgjafar töluðu um hvali, leyndardómsfullan skóg og bílahjörðina.Arna: „Grenedorm! Völlurinn er flottur og umhverfið fallegt. Það er líka bara stemning að keyra til Grenivíkur. Það er mjög fallegt þar. Gott val milli þess að sitja í stúku og á grasinu.“<blockquote data-block-key="1p80s">Magnús Már: „Stúka sem rúmar alla íbúa bæjarins. Falleg náttúra og lítill leyndardómsfullur skógur bak við annað markið.“</blockquote>Vanda: „Ég er svo ánægð með Magnamenn – og konur. Frábært vallarstæði og aukastig fyrir félagsaðstöðuna. Ég hitti hluta stjórnar knattspyrnudeildar Magna fyrir nokkrum árum, sem starfar af eldmóð fyrir félagið sitt. Ég vona að krakkarnir og fólkið á Grenivík noti þessa flottu aðstöðu sem ég var svo heppin að fá að dvelja í dagspart.“Bolli: „Mér finnst þessi völlur mjög kósí og stúkan flott, móðurættin mín er Magnafólk.“Klara: „Fallegt vallarstæði og gott dæmi um ómetanlegt framlag sjálfboðaliða í hreyfingunni.“<blockquote data-block-key="dtina">Andri: „Í minningunni var aldrei vandamál að fylla ellefu manna hóp til að fara til Grenivíkur og ég held að það sé vellinum að þakka. Fallegt umhverfi og vinalegt þegar áhorfendur geta lagt bílnum umhverfis völlinn og horft þaðan.“</blockquote>Terje: „Þessi frábæri völlur er með fallegt gras og glæsilega viðarstúku. Útsýnið er glæsilegt í 360° gráður. Ég hef farið þangað þrisvar sinnum en aldrei séð leik. Ég hlakka til þegar sá dagur rennur upp!“Stefán Pálsson: „Alltaf á dagskránni að ná leik á Grenivík. Ógleymanleg var þó vefútsendingin sem ég sá fyrir nokkrum árum með hvali að sýna listir sínar beint út af vellinum í harðri samkeppni við leikmenn um athygli áhorfenda.“

Grenivíkurvöllur

<figure class="richtext-image full-width img-id-385569"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0JvbHVuZ2FydmlrX3RvcF8xMC5QTkciLCAiZWRpdHMiOiB7InJlc2l6ZSI6IHsid2lkdGgiOiAiODAwIiwgImZpdCI6ICJjb3ZlciJ9fX0=" alt="Flottustu vellir landsins" title="iro_20240423_235415858" /><figcaption>Nordic Stadiums</figcaption></figure>Skeiðisvöllur í Bolungarvík fékk ágætis kosningu. Í stúkunni má finna sex sæti ofan á trjádrumbi og völlurinn er umlukinn stórbrotinni náttúru. Búningsklefarnir eru svo í sundlaug bæjarins, Musteri vatns og vellíðunar.Andri: „Ef þig langar að anda að þér alvöru íslensku fjallalofti, njóta náttúrunnar og spila fótbolta í leiðinni þá er gott að spila á Skeiðisvelli.“Páll: „Sennilega fallegasta vallarstæði landsins. Skeiðisvöllur hefur allt sem alvöru íslenskur völlur þarf að hafa. Búningsklefarnir langt í burt og strangheiðarlega grasbrekka/fjall. Trjádrumburinn í brekkunni er svo punkturinn yfir i-ið. Þá skemmir útsýnið ekki fyrir og tignarlegt Bolafjallið gnæfir yfir. Fallegasti völlur landsins. Hef samt bara einu sinni spilað þar og það verulega þunnur.“<figure class="richtext-image full-width img-id-385539"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL1N0dWthbl9Ta2VpZGlzdm9sbHVyX0pvY2hlbl9BaGxlLmpwZyIsICJlZGl0cyI6IHsicmVzaXplIjogeyJ3aWR0aCI6ICI4MDAiLCAiZml0IjogImNvdmVyIn19fQ==" alt="Mynd af stúkunni á fótboltavellinum Skeiðisvelli í Bolungarvík" title="iro_20240423_175533953" /><figcaption>Jochen Ahle</figcaption></figure>Vanda: „Ég ákvað að velja einn völl sem ég hef ekki komið á, valdi bara eftir myndum – og völlurinn í Bolungarvík varð fyrir valinu. Fleiri komu sannarlega til greina, eins og völlurinn á Kirkjubæjarklaustri, Hellissandi, Eskifirði og Seyðisfirði en þetta varð niðurstaðan.“<blockquote data-block-key="f5m01">Bolli: „Í Bolungarvík er eitt flottasta vallarstæði landsins! Algjörlega ótrúleg ákvörðun að færa heimavöll meistaraflokks á Ísafjörð. En eftir stendur þessi glæsilegi völlur og það er eitthvað algjörlega magic við það að sjá leiki þarna, þótt það séu bara yngri flokkar.“</blockquote>Klara: „Fallegt vallarstæði í faðmi fjallanna.“Birkir: „Fjallið Ernir gnæfir yfir völlinn. Völlurinn stendur hátt í landinu og því gott útsýni út á Ísafjarðardjúp.“Logi: „Vallarstæði einstakt í fallegu umhverfi. Vígsluleikur árið 1995 var Bolungarvík gegn ÍA á frábærum velli. Fyrsti leikur Arnars og Bjarka Gunnlaugssona á Íslandi eftir heimkomu. Mörg mörk skoruð og getumunur töluverður á liðunum.Í hófi að leik loknum þar sem bornar voru fram brauðtertur og hnallþórur fór bæjarstjórinn þáverandi fram á að liðið kæmi á ballið um kvöldið. Hann lét þess getið að það þyrfti að hugsa til framtíðar og koma upp efnilegu fótboltafólki í bænum. Það er skemmst frá því að segja að ekkert varð úr þessari fyrirhuguðu ræktunarstarfsemi, því miður.“

Skeiðisvöllur

<figure class="richtext-image full-width img-id-385566"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL1NleWRpc190b3BfMTAuUE5HIiwgImVkaXRzIjogeyJyZXNpemUiOiB7IndpZHRoIjogIjgwMCIsICJmaXQiOiAiY292ZXIifX19" alt="Flottustu vellir landsins" title="iro_20240423_235415864" /><figcaption>Nordic Stadiums</figcaption></figure>Seyðisfjarðarvöllur er með glæsilegri völlum landsins. Þegar keyrt er niður fjörðinn blasir hann við í miðri íbúðabyggðinni. Í dag er verið að reisa blokkir á vellinum en lið Hugins er nú sameinað Hetti og spilar á Egilsstöðum. Völlurinn mun þó alltaf eiga stað í hjarta þeirra sem hafa litið hann augum.Jói Skúli: „Náttúruvöllur. Það er bara allt geðveikt við lúkkið á Seyðisfirði. Að koma keyrandi niður og sjá bæinn og sjá völlinn. Ég hugsa að það hafi öll félög á einhverjum tímapunkti stoppað á syllunni þarna á leiðinni niður til að taka myndir. Geggjaður völlur.Flestir vellirnir fyrir austan eru geggjaðir. Vopnafjörður, Djúpivogur o.s.frv. Svo rámar mig í frá ferðum mínum þarna að það sé einhver mjög fyndinn PÍNUlítill „völlur“ þarna á Stöðvarfirði þar sem boltinn er alltaf í hættu á að rúlla lengst í burtu. Skil ekki að Austurland eigi ekki fleiri afreks knattspyrnumenn, en þeir eiga þó fleiri en Norður-Þingeyjarsýslan mín.“<figure class="richtext-image full-width img-id-385535"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL1NleWRpc18yLmpwZyIsICJlZGl0cyI6IHsicmVzaXplIjogeyJ3aWR0aCI6ICI4MDAiLCAiZml0IjogImNvdmVyIn19fQ==" alt="Mynd af fótboltavellinum Seyðisfjarðarvelli" title="iro_20240423_175533184" /><figcaption>Nordic Stadiums</figcaption></figure>Adda: „Stúkur eða bekkir af eldgamla skólanum og sjarmerandi vallarstæði.“<blockquote data-block-key="k3b7">Terje: „Annar völlur sem ég hef enn ekki séð leik á, ef það verður þá yfir höfuð nokkurn tímann spilað þar aftur. Stórfengleg staðsetning í miðjum Seyðisfjarðarbæ. Einn fallegasti staður á Íslandi. Sérsmíðuð stúkan er þess virði að kíkja á.“</blockquote>Magnús Már: „Ótrúlega fallegt vallarstæði með magnaða náttúru í bakgrunni. Áhorfendur standa síðan nánast inni á vellinum. Söknuður að því að sjá ekki fleiri leiki í þessum magnaða bæ.“

Seyðisfjarðarvöllur

<figure class="richtext-image full-width img-id-385568"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL0RhbHZpa190b3BfMTAuUE5HIiwgImVkaXRzIjogeyJyZXNpemUiOiB7IndpZHRoIjogIjgwMCIsICJmaXQiOiAiY292ZXIifX19" alt="Flottustu vellir landsins" title="iro_20240423_235415590" /><figcaption>Nordic Stadiums</figcaption></figure>Mynd: Dalvík/Reynir FBÞað má segja að Dalvíkurvöllur sé sá eini af nýja skólanum sem kemst inn á topp tíu. Staðsetning vallarins hefur ekkert breyst og er jafn stórfengleg og hún hefur alltaf verið. En lagt var í miklar endurbætur á vellinum og þykir aðstaðan í dag með þeim glæsilegri á landinu.Vanda: „Á Dalvík steig ég mín fyrstu skref í fótboltaliði. Reyndar voru þetta heimatilbúin lið en lið eigi að síður. Þá var núverandi völlur ekki kominn. Mér finnst nýja vallarstæðið svo fallegt, fjöllin tignarleg og dásamlegt útsýni. Smá hlutdræg viðurkenni ég en samt.<blockquote data-block-key="8d0po">Bjössi Friðþjófs og mörg önnur stóðu sig heldur betur vel við byggingu þessa flotta vallar – eða ætti ég kannski að segja litla ófríða vallarins? Svona ef ég man dalvískuna mína rétt. Smá aukabónus að meistaraflokkur kvenna spilar á vellinum í sumar eftir langa langa bið.“</blockquote>Klara: „Er ofarlega á lista hjá mér þar sem nýi völlurinn sýnir svo vel hversu miklu máli skiptir að bæta aðstæður til íþróttaiðkunar um land allt.“<blockquote data-block-key="emr1d">Adda: „Hef ekki spilað þar né farið á leik þar. En vallarstæðið er flott og svo verð ég að hafa einn gervigrasvöll á lista. Herra Dalvík (Hörður Snævar) setur skemmtilegan svip á bæinn og hefur lyft stemmingunni þarna upp.“</blockquote>Terje: „Hvílík staðsetning! Frábær fjallasýn beggja vegna fjarðarins. Flottur lítill völlur með fullkominni stúku. Ég sá leik gegn KFA í maí 2023. Það var vel mætt og góð stemning á vellinum.“Telma Ívars: „Fallegt umhverfi og aðstaðan mjög góð.“

Dalvíkurvöllur

Telma Ívarsdóttir í leik Íslands og Danmerkur í Þjóðadeild Evrópu í október 2023

iro_20231029_161038602

Telma Ívarsdóttir hefur verið aðal markvörður íslenska kvennalandsliðsins í Þjóðadeildinni í haust og hefur staðið sig gríðarlega vel. Við hittum Telmu í vikunni og fengum að kynnast landsliðsmarkverðinum betur.

„Hélt ég væri að fara sem framherji en svo var það víst sem markvörður“

Mynd sem sýnir Hásteinsvöll í Vestmannaeyjum. Fótboltavöllurinn sést í forgrunni en stórbrotin fjöll og dalir eyjunnar í bakgrunn.

fre_20240420_192952194

Hvaða fótboltavöllur er sá flottasti á landinu? Álitsgjafar íþróttadeildar RÚV skera hér úr um flottasta vallarstæði landsins. Telur stórbrotin náttúra meira en vígaleg stúka? Frá Skeiðisvelli í Bolungarvík til Kaplakrika — hér eru þeir flottustu.

Þetta eru flottustu vellir Íslands