Frakkar enduðu efstar í okkar riðli
Frakkar höfðu betur gegn Slóvenum í lokaleik liðana í riðli Íslands á HM kvenna í handbolta í dag. Liðið er þar með efst í riðlinum með sex stig af sex mögulegum. Þær frönsku leiddu 17-15 í hálfleik. Lokatölur urðu 31-27.
Slóvenía endar í öðru sæti og Angóla í því þriðja eftir jafntefli gegn Ísland í dag. Tæpur sigur Frakklands gegn Angóla í fyrstu umferð reyndist okkur dýrkeyptir. Franska liðið kom dýrvitlaust til leiks gegn Íslandi og vann níu marka sigur. Því komst Ísland ekki í milliriðil sökum lakari markatölu en Angóla.
Staðan var 25-22 Frökkum í vil um miðjan seinni hálfleik. Þær juku muninn í 27-22 skömmu síðar er Slóvenar fengu tveggja mínútna brottvísun.
Tjasa Stanko var markahæst í liði Slóvena með sjö mörk. Lena Grandveau leiddi markaskorun þeirra frönsku með sex mörk.
Önnur úrslit dagsins:
Kamerún 26 - 23 Paragvæ
Svartfjallaland 24 - 18 Ungverjaland
Sjá má upplýsingar um markaskorara, gang leiksins og stöðu í riðlum á HM síðu RÚV handbolta.