Root

Kosningar

Alþingiskosningar 2024

Dagskrá sjónvarps

Dagskrá útvarps

Íþróttir

Menning og dægurmál

Auðskilið

Fréttir á auðskildu máli

Forsíða

Innlendar fréttir

Erlendar fréttir

Kveikur

Fréttir

Viðburðadagatal

Fram undan í beinni

Fótbolti

Handbolti

Körfubolti

Fimleikar

Golf

Sund

Frjálsíþróttir

Jóhann Páll Ástvaldsson

<figure class="richtext-image full-width img-id-314865"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzAxLWtyLmpwZyIsICJlZGl0cyI6IHsidG9Gb3JtYXQiOiAid2VicCIsICJ3ZWJwIjogeyJxdWFsaXR5IjogNjB9LCAicmVzaXplIjogeyJ3aWR0aCI6ICIxNjAwIiwgImZpdCI6ICJjb3ZlciJ9fX0=" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_18032041" /><figcaption>RÚV</figcaption></figure>Merki Knattspyrnufélags Reykjavíkur fékk yfirburðakosningu. Merkið birtist fyrst árið 1921 í auglýsingu fyrir skemmtun sem KR stóð fyrir á Hótel Íslandi. Tryggvi Magnússon teiknaði upprunalegu útgáfu merkisins árið 1920 og það var fyrst um sinn í skjaldarformi.<blockquote data-block-key="27u02">„Hinir máttugu og sterku hringir tákna heiminn, sá ytri, og félagið, sá innri.“</blockquote>Sigurður Jakobsson, hönnuður uppfærslu merkisins árið 1972, hefur þetta um merkið að segja:„Hinir máttugu og sterku hringir tákna heiminn, sá ytri, og félagið, sá innri. Inni í þeim innri er svo þriðji hringurinn, tákn leiksins. Merkið er sterkt og býr yfir miklum innri krafti, en á heildina litið er það styrkurinn og jafnvægið sem fangar hug áhorfandans.“Boltinn og svart-hvíta litaskemað klikkar seint, að mati álitsgjafa.Jóhann Alfreð: „Íkónískt og auðvitað hringlaga sem er vanmetið. Gamli reimaði boltinn. Þetta er boltinn sem Bjarni Fel og Ellert Schram notuðu í þriðja flokki á Melavellinum. Áberandi stafirnir halla yfir knöttinn. Þetta verður ekki klassískara.“Kristín Dóra: „Sterkt og klassískt. Lifir alla tískustrauma.“Atli Fannar: „Örugglega best heppnaða merkið sem er með gamla leðurboltann. Og þau eru mörg. Goðsagnakennt merki sem má aldrei breytast.“Elín Metta: „Gömlu Reykjavíkurveldin voru einfaldlega með þetta. Líkt og í Fram-merkinu ræður einfaldleikinn ríkjum og það er það sem virkar fyrir augað. Þetta er þægilegt, þetta gengur ekki fram af neinum, þetta segir allt sem segja þarf. Tímalaus snilld.“Einar: „Þetta er fyrir löngu orðið klassík enda firnasterkt merki. Það þarf ekki alltaf að laga það sem er að virka.“Geirlaugur: „Það þarf ekki að segja mikið. Stórglæsilegt merki á alla vegu. Tímalaus hönnun.“Rósa: „Þetta er eitt fallegasta merkið en getur reynst erfitt fyrir aðra en KR-inga að viðurkenna það svo það má segja að það sé líka mjög tilfinningaþrungið. Mjög einfalt og skýrt en samt finnur maður fyrir sögunni í því.“

Knattspyrnufélag Reykjavíkur

<figure class="richtext-image full-width img-id-314863"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzAyLXZhbHVyLmpwZyIsICJlZGl0cyI6IHsidG9Gb3JtYXQiOiAid2VicCIsICJ3ZWJwIjogeyJxdWFsaXR5IjogNjB9LCAicmVzaXplIjogeyJ3aWR0aCI6ICIxNjAwIiwgImZpdCI6ICJjb3ZlciJ9fX0=" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_180320474" /><figcaption>RÚV</figcaption></figure>Valur vermir annað sætið og það með nýrri uppfærslu á merkinu sem ráðist var í á árinu. Merkið var upprunalega gert á 15 ára afmæli Vals árið 1926. Valurinn vængjum þöndum prýðir merkið með sólargeislum í bakgrunni. Jóhann Alfreð er hrifinn af merkinu og skyldi engan undra, enda Valsari í húð og hár. Grafíski hönnuðurinn Hilmar Þorsteinn Hilmarsson gerði uppfærsluna, en <a href="https://www.valur.is/frett/21577/2023/04/05/merki-vals-endurnyjad.aspx" rel="nofollow" target="_blank">lesa má allt um hana hér</a>.Jón Kári: „Mjög vel heppnuð uppfærsla. Fálkinn einfaldaður. Nútímavædd teikning og verður spennandi þegar Valur tekur svo næsta skref.“Jóhann Alfreð: „Sterkt merki í alla staði. Fálkinn læsir klóm sínum í tuðru af gamla skólanum haganlega merktri félaginu, baðaður í rauðbláum geislum, litum félagsins. Sannarlega íkónískt og hefur nýverið gengið í gegnum flott rebrand líka. Ég hef lengi talað fyrir því að Valur komi sér upp æfðum fálka sem flýgur yfir völlinn í aðdraganda leikja og lendir svo á stálhanska á hendi Þorgríms Þráinssonar.“Sóli Hólm: „Valurinn er einfaldlega vígalegur í lógóinu.“Eldri útgáfan af Valsmerkinu til samanburðar:<figure class="richtext-image full-width img-id-315253"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL3ZhbHVycnIucG5nIiwgImVkaXRzIjogeyJ0b0Zvcm1hdCI6ICJ3ZWJwIiwgIndlYnAiOiB7InF1YWxpdHkiOiA2MH0sICJyZXNpemUiOiB7IndpZHRoIjogIjE2MDAiLCAiZml0IjogImNvdmVyIn19fQ==" alt="Eldri útgáfan af merki íþróttafélagsins Vals. Ný útgáfa var tekin í gagnið 2023." title="fre_20230530_190347937" /><figcaption>Valur</figcaption></figure>Einar: „Einstaklega vel heppnuð uppfærsla, unnin af mikilli virðingu við söguna og félagið - þar af leiðandi besta merkið að mínu mati. Fleiri íþróttafélög mættu taka sér þetta til fyrirmyndar.“Atli Fannar: „Hrikalega flott endurgerð á annars fínu merki. Augljóslega engu til sparað á Hlíðarenda.“Geirlaugur: „Ég verð seint talinn vera mikill Valsari en Valur á mikið hrós skilið og mættu önnur félög á landinu taka Val sér til fyrirmyndar. Þeir uppfærðu merkið sitt nýverið og heppnaðist það mjög vel, en félög ættu klárlega að gera meira að þessu. Það þarf ekkert að umturna, eða finna upp hjólið. Stundum þarf bara aðeins að hreinsa, fríska upp á og nútímavæða merkið til að bæta þau til muna. Vel gert Valur!“

Valur

<figure class="richtext-image full-width img-id-314859"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzAzLWZoLmpwZyIsICJlZGl0cyI6IHsidG9Gb3JtYXQiOiAid2VicCIsICJ3ZWJwIjogeyJxdWFsaXR5IjogNjB9LCAicmVzaXplIjogeyJ3aWR0aCI6ICIxNjAwIiwgImZpdCI6ICJjb3ZlciJ9fX0=" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_180320519" /><figcaption>RÚV</figcaption></figure>Í þriðja sæti er merki FH, en þar stíga upphafsstafir félagsins dansa í svörtum og hvítum. Ásgeir Júlíusson hannaði merkið á 15 ára afmæli félagsins árið 1945. Ingibjörg Eldon teiknaði merkið, en hún er móðir Loga Geirssonar og frænka Jóns Kára, sem er í álitsgjafahópnum.Berglind Festival „Langflottasta lógóið. Þvílík grafísk negla sem kemur ógeðslega vel út á treflum og derhúfum, sem er náttúrulega ótrúlega mikilvægt í þessum bransa.“Rósa: „Skemmtilegur leikur með negatífu og positífu formin í upphafstöfunum. Það er allt öðruvísi karakter í þessu merki heldur en hinum merkjunum sem fær það til að standa út. Lítið um klisjur bara frekar einföld grafísk hönnun.“Einar: „Þótt ég haldi meira með Haukum en FH verður ekki hjá því komist að viðurkenna að þetta er með betri merkjum íþróttafélaga landsins.“Elín Metta: „Hér leikur listamaðurinn sér með andstæður og tekst ágætlega til. Ekki beint hlýlegasta merkið en það er nákvæmlega það sem virkar hér. Það er nógu heitt inni í fimleikasalnum, merkið má alveg vera kuldalegt. Yin og Yang.“<h3 data-block-key="fb7dd">Goddur er hrifinn af FH, en ekki öðrum</h3>Goddur er ekki þekktur fyrir að sitja á skoðunum sínum og fer oft sínar eigin leiðir.„Merkið virðist vera undir áhrifum optískrar listar sem þróaðist á milli 1950 og 1960 hjá ungverska listamanninum Vasarely. Ásgeir Júlíusson sem teiknaði merkið hefur verið mikill aðdáandi þessa myndlistarmanns sem sést hvergi skýrar en í FH-merkinu - samspil andstæðunnar - svart og hvítt.“<figure class="richtext-image full-width img-id-97944"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL2ZyXzIwMTgwMzEyXzA4MjMzMi5qcGciLCAiZWRpdHMiOiB7InRvRm9ybWF0IjogIndlYnAiLCAid2VicCI6IHsicXVhbGl0eSI6IDYwfSwgInJlc2l6ZSI6IHsid2lkdGgiOiAiMTYwMCIsICJmaXQiOiAiY292ZXIifX19" alt="" title="fr_20180312_082332.jpg" /><figcaption>RÚV</figcaption></figure>Goddur valdi raunar bara topp þrjú merki, þar sem hann setti FH í fyrsta, Hrunamenn í annað og KR í þriðja. Hann hafði þetta að segja um öll hin:„Ég þekki ekki höfunda hinna merkjanna - þau eru öll ágætismerki en einfaldlega valin af smekk mínum. Vondu merkin eru öll slæm, furðu mörg frá síðasta áratug síðustu aldar, þegar amatörar komust í tölvur.“

<figure class="richtext-image full-width img-id-314869"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzA0LWlhLmpwZyIsICJlZGl0cyI6IHsidG9Gb3JtYXQiOiAid2VicCIsICJ3ZWJwIjogeyJxdWFsaXR5IjogNjB9LCAicmVzaXplIjogeyJ3aWR0aCI6ICIxNjAwIiwgImZpdCI6ICJjb3ZlciJ9fX0=" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_180321327" /><figcaption>RÚV</figcaption></figure>Merki ÍA er einfalt en voldugt og náði að heilla álitsgjafana. Litur merkisins hefur af og til verið á reiki, en Skagamenn hafa sterkar skoðanir á því hvernig guli liturinn eigi að vera.Orri: „Einfalt merki sem er svo þrútið og þrúgað af sögu að ég get ímyndað mér að treyjur félagsins séu vegnar í kílógrömmum, slík er vigtin. Skýrt dæmi um það hvernig einföld hönnun getur orðið svo miklu meira í réttu samhengi.“Atli Fannar: „Einfalt og flott. Ekki breyta því.“Rósa: „Svo ótrúlega einfalt en samt svo fallegt í einfaldleika sínum. Er hafið yfir tískustrauma og stenst þess vegna vel tímans tönn. Einhvern veginn bæði gamaldags en líka nútímalegt. Myndi meira að segja sóma sér vel sem app icon í dag. Mætti reyndar vera sterkari myndræn tenging við íþróttir í því.“Geirlaugur: „Fínt merki. Vantar lítið upp á til að gera það enn betra, en þessi guli litur er ekki alveg nógu góður.“Jóhann Alfreð: „Skagamenn skoruðu mörkin og hönnuðu merkin. Það besta á Íslandi. Svo yndislega stílhreint og gult í þokkabót. Það er víst Breti sem fylgist með öllum leikjum og er einn harðasti stuðningsmaður Skagans. Það er alveg ljóst hvað hefur trekkt manninn að. Það er þetta stílhreina fallega hringlaga merki sem er algjörlega íkónískt. Stafirnir í þessum módern stíl sem hefur væntanlega verið byltingarkennt þegar það var hannað. Í þessu merki er saga og gulur er litur bjartsýni og gleði. Í bland við þennan rammsvarta sigurlit. Þetta er klassík allra klassíka.“

<figure class="richtext-image full-width img-id-314862"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzA2LWt2LmpwZyIsICJlZGl0cyI6IHsidG9Gb3JtYXQiOiAid2VicCIsICJ3ZWJwIjogeyJxdWFsaXR5IjogNjB9LCAicmVzaXplIjogeyJ3aWR0aCI6ICIxNjAwIiwgImZpdCI6ICJjb3ZlciJ9fX0=" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_180320240" /><figcaption>RÚV</figcaption></figure>Knattspyrnufélag Vesturbæjar, eða KV, var stofnað árið 2004. Á fimmtán ára afmæli félagsins hönnuðu Jón Kári Eldon og Ólafur Þór Kristinsson nýtt merki og útlit félagsins. Hönnunin féll vel í kramið hjá álitsgjöfum okkar. KV er í 2. deild í deildarkerfi fótboltans en spilar í efstu deild þegar kemur að merkjahönnun.Atli Fannar: „Vígalegt merki. Mjög bandarískt. Myndi sóma sér vel í MLS-deildinni.“Bergur Guðna: „Eitt flottasta lógó allra tíma í íslenskri íþróttarsögu. Það er eitthvað við þetta sem svínvirkar. Hlutföllinn, letrið og fleira“María Guðjohnsen: „Minnir mig á &#x27;Cool S&#x27;. Ætli hönnuðurinn hafi byrjað þar?“Orri: „Vel heppnað töffaralegt merki sem rímar vel við klúbbinn. Fagmannlega að hönnuninni staðið.“Geirlaugur: „Eitt fallegasta merki sem ég hef séð.“Rósa: „Falleg hönnun á þessu merki“Myndband frá 2019 þegar merkið var kynnt. Í þræðinum á Twitter-síðu KV er farið yfir innblásturinn og vinnuna bak við merkið.<div>
 <blockquote class="twitter-tweet">Í tilefni af 15 ára afmæli KV kynnum við nýtt merki og nýjan búning! <a href="https://twitter.com/hashtag/kvnation?src=hash&amp;ref_src=twsrc%5Etfw">#kvnation</a> <a href="https://t.co/gyvbvaiduG">pic.twitter.com/gyvbvaiduG</a>&mdash; KV Fótbolti (@KVfotbolti) <a href="https://twitter.com/KVfotbolti/status/1123374361568776192?ref_src=twsrc%5Etfw">April 30, 2019</a></blockquote>
<script async src="https://platform.twitter.com/widgets.js" charset="utf-8"></script>

</div>

<figure class="richtext-image full-width img-id-314860"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzA1LWdyb3R0YS5qcGciLCAiZWRpdHMiOiB7InRvRm9ybWF0IjogIndlYnAiLCAid2VicCI6IHsicXVhbGl0eSI6IDYwfSwgInJlc2l6ZSI6IHsid2lkdGgiOiAiMTYwMCIsICJmaXQiOiAiY292ZXIifX19" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_180320177" /><figcaption>RÚV</figcaption></figure>Merki Gróttu er í sjötta sæti yfir flottustu merki íslenskra íþróttafélaga. Á merkinu er fálki á þríhyrningsbakgrunni en merkið er einnig talið vísa í Gróttuvitann sem stendur yst á Seltjarnarnesi. Merkið hreif álitsgjafahópinn en nokkrir telja þó að nafnið mætti missa sín.Berglind Festival: „Augað á þessum fugli er hlutfallslega svo allt of stórt og ég elska það. Minnir mig á þennan emoji: 🥺“María Guðjohnsen: „Gott brutalist merki. Væri mjög heavy ef það væri í öðrum litum. Litirnir gefa gott jafnvægi á móti þykktinni í merkinu sjálfu.“Atli Fannar: „Það er eitthvað við þessi þríhyrndu merki. Flottir litir og smekkleg hönnun. Mega endurskoða leturgerðina.“Einar: „Formfastur hreinleiki og litameðferð kemur Gróttu-merkinu á listann.“Geirlaugur: „Ég hef alltaf fílað þetta merki. Breyta letrinu eða hreinlega sleppa því og þá er þetta negla.“Rósa: „Einfalt og sterkt merki. Veiki hlekkurinn í því er letrið og mætti jafnvel gera merkið enn sterkara með því að taka nafnið út fyrir skjöldinn.“

Grótta

<figure class="richtext-image full-width img-id-314867"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzA3LWh1Z2lubi5qcGciLCAiZWRpdHMiOiB7InRvRm9ybWF0IjogIndlYnAiLCAid2VicCI6IHsicXVhbGl0eSI6IDYwfSwgInJlc2l6ZSI6IHsid2lkdGgiOiAiMTYwMCIsICJmaXQiOiAiY292ZXIifX19" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_180320186" /><figcaption>RÚV</figcaption></figure>Huginn frá Seyðisfirði er í sjöunda sæti listans en skemmtileg leturgerð vakti áhuga álitsgjafahópsins. Huginn var stofnað árið 1913 en meðal annars iðka félagsmenn blak, skíði og fótbolta.María Guðjohnsen: „Lookar einsog lógó fyrir metalhljómsveit frekar heldur en íþróttafélag. Beittir broddar, H-ið og N-ið sem tengjast í hring. U, G, I og N sem renna þarna kaótískt og tengjast boltanum mismikið, og svo boltinn sjálfur sem er fullkominn kontrast frá þungu stöfunum. Mjög intimidating, væri stressuð að mæta þessu liði.“Bergur Guðna: „Minnir mig á eitthvað körfuboltalógó, sem er jákvætt því mörg þeirra eru nice. Sömu litir og ÍA nema bara þetta lógó gerir ÍA merkið enn ljótara.“Kristín Dóra: „Gult og skemmtilegt, gæti verið lógó fyrir eitthvað allt annað líka.“

Huginn

<figure class="richtext-image full-width img-id-315466"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL1VudGl0bGVkX2Rlc2lnbl8zLnBuZyIsICJlZGl0cyI6IHsidG9Gb3JtYXQiOiAid2VicCIsICJ3ZWJwIjogeyJxdWFsaXR5IjogNjB9LCAicmVzaXplIjogeyJ3aWR0aCI6ICIxNjAwIiwgImZpdCI6ICJjb3ZlciJ9fX0=" alt="Félagsmerki ÍR" title="fre_20230602_002902529" /><figcaption>RÚV</figcaption></figure>Merki Íþróttafélags Reykjavíkur er einfalt, stílhreint og féll vel í kramið hjá álitsgjöfunum. Merkið var hannað á fyrsta áratug félagsins, en ÍR var stofnað 1907. Stærð og hlutföll merkisins voru lengi vel á reiki, en árið 1996 tók arkitekt félagsins, Þórarinn Þórarinsson, ákvörðun um framhaldið. ÍR-ingar eru þeir sem hafa hvað mestar leiðbeiningar varðandi notkun merkisins á síðu sinni, en hluti þeirra hljóma svo:Blár litur merkisins er Pantone 286 C. Hlutföll merkisins eru breidd á móti hæð 1 á móti 1,6, hlutföll gullins sniðs.Rósa: „Einfalt og klassískt og virðingafullt. Hið íslenska Warner Bros.“Atli Fannar: „Einfalt og flott. Blái liturinn flottur.“Einar: „Einfalt merki sem stendur fyrir sínu.“Kristín Dóra: „Nostalgía fyrir Breiðhylting, finnst það flott en í-ið er eins og J.“

<figure class="richtext-image full-width img-id-314866"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzLzA5LWhvbmQtbWlkYXNhci5qcGciLCAiZWRpdHMiOiB7InRvRm9ybWF0IjogIndlYnAiLCAid2VicCI6IHsicXVhbGl0eSI6IDYwfSwgInJlc2l6ZSI6IHsid2lkdGgiOiAiMTYwMCIsICJmaXQiOiAiY292ZXIifX19" alt="Merki íslenskra íþróttafélaga, unnið fyrir greinina Hvert er flottasta merki íslenskra íþróttafélaga sem birtist á Íþróttadeild RÚV 30. maí" title="fre_20230524_180320800" /><figcaption>RÚV</figcaption></figure>Hér gefur að líta eitt óþekktasta merkið á topp tíu listanum. Nafnið vísar í sögu Mídasar konungs sem óskaði sér að allt sem hann snerti yrði að gulli. Liðið spilar nú í fimmtu deild karla og stillir upp sameiginlegu liði með Berserkjum.Geirlaugur Kristjánsson, einn af álitsgjafahópnum, hannaði merkið 2020. Hann á einnig heiðurinn af merkjum Uppsveita, Kríu og fleiri merkja.Sóli Hólm: „Alveg svakalega smekklegt lógó miðað við að ég veit ekki einu sinni hvar á landinu þetta lið er.“Bergur Guðna: „Skemmtileg tenging við Aladdín, horfði á þá mynd sem barn, fýla húmorinn á bak við pælinguna.“Orri: „Sérstaklega vel heppnað merki. Eiginlega svo vel heppnað að maður óskaði þess að klúbburinn væri merkilegri.“Jóhann Alfreð: „Af þessum póst-módernísku merkjum sem hafa orðið til á þessari öld er Hönd Mídasar kannski sú metnaðarfyllsta. Það má auðvitað brjóta heilann um af hverju boltinn hvílir í hendi, enda er þetta merki fótboltafélags. Það er ljóst að þessi framsækni hönnuður merkisins hefur ætlað að brjóta reglurnar. Höndin er fallega gyllt en hvergi fimmta puttann að sjá. Þetta er merki sem skilur þig eftir með spurningar en sannfærðan um að allt verði að gulli sem að þessum klúbbi kemur.“

Mídas

<figure class="richtext-image full-width img-id-315376"><img src="https://myndir.ruv.is/eyJidWNrZXQiOiAicnV2LXByb2QtcnV2aXMtcHVibGljIiwgImtleSI6ICJtZWRpYS9wdWJsaWMvb3JpZ2luYWxfaW1hZ2VzL1VudGl0bGVkX2Rlc2lnbl9HRTczaUhzLnBuZyIsICJlZGl0cyI6IHsidG9Gb3JtYXQiOiAid2VicCIsICJ3ZWJwIjogeyJxdWFsaXR5IjogNjB9LCAicmVzaXplIjogeyJ3aWR0aCI6ICIxNjAwIiwgImZpdCI6ICJjb3ZlciJ9fX0=" alt="Félagsmerki Fram" title="fre_20230601_102233993" /><figcaption>RÚV</figcaption></figure>Merki Fram er klassískt boltamerki sem svíkur engann og hreif álitsgjafahópinn. Merkið er hönnun frá 1929 og því að nálgast að verða aldargamalt. Eiríkur Jónsson hannaði merkið en litaskemað er talið koma frá Hvítbláanum, baráttufána íslenskra sjálfsstæðissina í upphafi síðustu aldar.Elín Metta: „Langsamlega fallegasta íþróttamerkið á Íslandi. Hefur staðist tímans tönn frá árinu 1929 þegar merkið var hannað. Stafirnir eru gullfallegir og þessi djúpfagri aldamótablái talar til mín á einhvern hátt sem er mér ekki að fullu skiljanlegur, og ef til vill er mér ekki ætlað að skilja. Þægilegt fyrir augað, gæti horft á þetta í allan dag. Hér er ekki verið að kljúfa atómið enda gerist ekki þörf á því, fótbolti er einfaldur leikur. Og í þessum fallega einfaldleika býr frumstæður kraftur.“Einar: „Merkið er vissulega komið til ára sinna enda nánast óbreytt frá upphafi. Það hefur sögulega skírskotun sem gefur því samt forskot á mörg önnur merki sem búið er að hreinteikna og aðlaga á seinni tímum.“Kristín Dóra: „Skjöldurinn góður og boltinn flottur. Sterkt merki.“Rósa: „Eitthvað mjög hlýlegt við þetta merki. Bæði boltinn og letrið eru frekar flúruð sem gerir það gamaldags en samt á jákvæðan hátt. Maður finnur fyrir sögunni og langar að vita meira, svolítið eins og þegar maður hittir ömmu og afa.“

Fram

Félagsmerki íþróttafélagsins Einherja frá Vopnafirði

fre_20230601_121750652

Félagsmerki Ungmennasambands Austur Húnvetninga

fre_20230601_123057604

Búningar íslenska landsliðsins í fótbolta frá nokkrum skeiðum fótboltasögunnar, á bláum bakgrunni.

buningar_islands.jpg

Hver er flottasti búningur í sögu íslensku landsliðanna í fótbolta? Álitsgjafar íþróttadeildar RÚV skera hér úr um það. Farið er yfir búningasögu KSÍ og þá er Reusch tímabilið krufið.

Hver er flottasti landsliðsbúningur sögunnar?

Merki íslenskra íþróttafélaga, fyrir grein sem birtist 30. maí

fre_20230524_180512584

Hvaða íþróttafélag er með flottasta merkið? Álitsgjafar íþróttadeildar RÚV skera úr um það. Er klassíkin alltaf flottust eða leynast faldir gimsteinar inn á milli? Hér förum við yfir sviðið, frá FH til Ungmennasambands Austur-Húnvetninga.

Flottustu merki íþróttafélaga á Íslandi