Root

Söngvakeppnin

Dagskrá sjónvarps

Dagskrá útvarps

Íþróttir

Menning og dægurmál

Auðskilið

Fréttir á auðskildu máli

Forsíða

Innlendar fréttir

Erlendar fréttir

Kveikur

Kosningar

Fréttir

Ásta Hlín Magnúsdóttir

Fimmtudagur: Síðdegis á fimmtudag lagði ríkissáttasemjari fram svokallaða innanhússtillögu í kjaradeilu kennara við ríki og sveitarfélög. Þá kom fram hjá ríkissáttasemjara að tillagan hefði verið lögð fram með samþykki allra aðila.Kennarar samþykktu innanhússtillöguna mjög fljótlega eftir að hún var lögð fram en ríki og sveitarfélög höfðu upphaflega frest til tíu á fimmtudagskvöld sem var svo framlengdur til hádegis á föstudag.Föstudagur: Að loknum framlengdum fresti til að taka afstöðu höfnuðu sveitarfélögin innanhússtillögu ríkissáttasemjara. Upp úr hádegi fóru kennarar svo að ganga út af starfsstöðvum sínum. Þeir lýstu miklum vonbrigðum og reiði vegna niðurstöðunnar. Fram hefur komið að sveitarstjórar hafi verið boðaðir á fund stjórnar Sambands íslenskra sveitarfélaga á meðan tillagan var til umfjöllunar.Samband íslenskra sveitarfélaga sendi frá sér tilkynningu á föstudag þar sem segir að innanhússtillaga ríkissáttasemjara hafi ekki verið gerð með samþykki stjórnar sambandsins eða samninganefndar - sem stangast á við það sem ríkissáttasemjari sagði þegar hann lagði tillöguna fram.Sama dag tók Heiða Björg Hilmisdóttir við embætti borgarstjóra. Kennarar fjölmenntu til mótmæla á borgarstjórnarfundi. Það kom fram í máli Heiðu Bjargar að hún hafi stutt tillögu ríkissáttasemjara.Laugardagur: Stjórn Kennarasambands Íslands sendi frá sér yfirlýsingu á laugardaginn þar sem það sem fram kemur í tilkynningu Sambands íslenskra sveitarfélaga er beinlínis kallað ósannindi.„[F]ormaður samninganefndar sveitarfélaga var sammála formanni viðræðunefndar KÍ og ríkissáttasemjara, á fundi sem haldinn var í húsnæði ríkissáttasemjara fimmtudaginn 20. febrúar, um að rétt væri að leggja fyrrnefnda innanhússtillögu fyrir samninganefndir samningsaðila og að svar við henni yrði að berast samdægurs,“ segir í yfirlýsingu KÍ.KÍ skoraði í sömu yfirlýsingu á fulltrúa í stjórn Sambands íslenskra sveitarfélaga að greina frá afstöðu þeirra til innanhússtillögu ríkissáttasemjara. Það gerir stjórnin í ljósi ummæla nýkjörins borgarstjóra, Heiðu Bjargar Hilmisdóttur, um að hún hafi stutt tillöguna.Sunnudagur: Það kom fram í fréttum á sunnudag að nýr meirihluti í borgarstjórn skoði nú þann möguleika að Reykjavík semji á sínum forsendum við kennara án milligöngu Sambands íslenskra sveitarfélaga.

Hvað hefur gerst í kjaradeilunni síðan á fimmtudag?

Mótmæli kennararfélags Reykjavíkur í Ráðhúsinu 15.10.2024

fre_20241015_145519644

Stjórn Kennarasambands Íslands skorar á fulltrúa í stjórn Sambands íslenskra sveitarfélaga til að gera grein fyrir afstöðu sinni til tillögu ríkissáttasemjara til lausnar í kjaradeilu kennara, ríkis og sveitarfélaga.

Skora á fulltrúa í stjórn Sambands íslenska sveitarfélaga að greina frá afstöðu til tillögu ríkissáttasemjara

Kjaramál

Oddvitar Samfylkingarinnar, Flokks fólks, Pírata, Sósíalista og Vinstri grænna kynna nýjan meirihluta á blaðamannafundi í Ráðhúsinu. Sanna Magdalena Mörtudóttir stendur við hljóðneman og Dóra Björt Guðjónsdóttir, Heiða Björg Hilmisdóttir, Líf Magneudóttir og Helga Þórðardóttir standa fyrir aftan hana.

fre_20250221_160633180

Nýr borgarstjórnarmeirihluti skoðar nú að samþykkja kjarasamning við kennara án aðkomu Sambands Íslenskra sveitarfélaga sem hafnaði síðustu tillögu ríkissáttasemjara sem kennarar höfðu samþykkt.

Ekki útilokað að Reykjavík semji á sínum forsendum við kennara

Blaðamannafundur nýrrar borgarstjórnar 21. febrúar 2025. Heiða Björg Hilmisdóttir.

fre_20250221_161649436

Ekki hefur verið boðað til fundar í kjaradeilu kennara við ríki og sveitarfélög. Sveitarfélögin höfnuðu innanhússtillögu ríkissáttasemjara fyrir helgi. Sveitarstjórnarmenn eru ekki allir sáttir við að borgin skoði möguleika á sérsamningum.

Staðan í kjaradeilu kennara og kurr um stöðu Heiðu Bjargar

Ekki hefur verið boðað til fundar í kjaradeilu kennara við ríki og sveitarfélög. Sveitarfélögin höfnuðu innanhússtillögu ríkissáttasemjara fyrir helgi. Sveitarstjórnarmenn eru ekki allir sáttir við að borgin skoði möguleika á sérsamningum.