Fyrsta kvenkyns áhöfnin út í geim

Sögulegt geimskot var í Texas í Bandaríkjunum í dag þegar fyrsta kvenkyns áhöfn geimferju var skotið á loft. Geimfarið, sem er í eigu fyrirtækis Jeff Bezoz stofnanda Amazon, var í ellefu mínútur á flugi.

Áhöfnin samanstóð meðal annars af kvikmyndaframleiðandanum Kerianne Flynn, fjölmiðlakonunni Gayle King og söngkonunni Katy Perry.

Geimfarið er í eigu Blue Origin fyrirtækisins og er endurnýtanlegt. Áhöfninni var skotið á loft snemma í morgun.

Konurnar flugu hæst í um 100 kílómetra fjarlægð frá jörðu og voru í þrjár mínútur í þyngdarleysi.

Í hylkinu svifu konurnar svo aftur til jarðar með fallhlífum og fögnuðu ákaft um borð þegar þær lentu á jörðinni á ný.