Í dag gengur í austan kalda eða strekking á sunnanverðu landinu með úrkomu, sem verður yfirleitt rigning nærri sjávarmáli, en slydda eða snjókoma í uppsveitum og á heiðum. Á norðurhelmingi landsins verður hægari vindur í dag og bjart veður.
Veðurstofa Íslands
Á morgun, sunnudag, gengur í allhvassa eða hvassa norðanátt. Með henni fylgir snjókoma, fyrst á austanverðu landinu, en einnig norðanlands síðar um daginn. Yfirleitt þurrt suðvestantil. Spár gera síðan ráð fyrir að við verðum í kaldri norðanátt áfram fram eftir næstu viku. Ofankoma af og til á norðurhelmingi landsins, en yfirleitt þurrt sunnanlands.
