Root

Dagskrá sjónvarps

Dagskrá útvarps

Íþróttir

Menning og dægurmál

Auðskilið

Fréttir á auðskildu máli

Forsíða

Innlendar fréttir

Erlendar fréttir

Kveikur

Kosningar

Fréttir

Guðmundur Atli Hlynsson

Ingunn Lára Kristjánsdóttir

Svarthvít úrklippa úr blaði. Ljósmyndmynd frá opinberri heimsókn Ásgeirs Ásgeirssonar forseta Íslands til Noregs 1955. Með honum er eiginkona hans Dóra Þórhallsdóttir. Einnig sjást Ólafur ríkisarfi Noregs og heiðursvörður úr lífverði Noregskonungs. Dóra veifar fagnandi fólki á aðalgötu Óslóar. Ásgeir horfir í myndavélina.

fre_20250408_173554190

Forsetaheimsókn Ásgeirs Ásgeirssonar til Noregs 1955.05.26

Lýsing á opinberri heimsókn Ásgeirs Ásgeirssonar forseta og eiginkonu hans Dóru Þórhallsdóttur til Noregs í maí árið 1955.  Eins og kunnugt er var Ásgeir annar forseti Íslands og fyrsti forseti þjóðarinnar sem kosinn var í almennum kosningum.  Hann gengdi embætti frekar lengi, eða 4 kjörtímabil, frá 1952-1968 en hann fékk aldrei mótframboð.

Og það er svo merkilegt að Ásgeir var fyrsti forseti Íslands sem fór í opinberar heimsóknir til Norðurlandanna því Sveinn Björnsson, sá sem gengdi embætti á undan Ásgeiri, hafði verið of heilsuveill til að halda í slíkar ferðir á forsetatíð sinni.

Það sem við heyrum hér á eftir er því lýsing á fyrstu opinberu heimsókn íslensks forseta til Noregs.  Og norðmenn virðast ekki hafa haft lítið fyrir veglegum móttökum eins og heyra má af lýsingum fréttamannsins Högna Torfasonar. 

Forsetahjónin sigldu með Gullfossi til Oslóar og þegar skipið nálgaðist höfnina var skotið úr fallbyssum, - sko 80 skotum alls.  Hjónin gengu á rauðum dregli upp bryggjuna og keyrðu svo á opnum bílum eftir aðalgötu Óslóarborgar, lífverðir konungs stóðu heiðursvörð, fólkið hrópaði og fánum var veifað. 

Nafn eiginkonu Ásgeirs er aldrei nefnt á nafn, hún situr ekki í sama bíl og eiginmaðurinn þegar ekið var eftir aðalgötu borgarinnar. Ástríður, prinsessan í höllinni, gegnir hlutverki húsmóðurinnar í konungshöllinni, og Högni segir beinlínis að á herðum hennar hvíli hin erfiðu húsmóðurstörf.

Forsetaheimsókn Ásgeirs Ásgeirssonar og Dóru Þórhallsdóttur til Noregs 1955.05.26

Frásögnin af heimsókn forseta Íslands til Noregs árið 1955 var ævintýraleg: hirðgæðingar, lífverðir, rauðir dreglar. Forsetafrúin mátti ekki sitja í sama bíl og forsetinn og drottningunni var lýst sem húsmóður.

Fyrsta Noregsheimsókn íslensks forseta: Hraðsnekkjur, fallbyssur og fögnuður