Dregið hefur úr skjálftavirkni á Sundhnúksgígaröðinni á Reykjanesskaga frá því í gær þegar virknin jókst mikið. Samkvæmt upplýsingum frá náttúruvárvakt Veðurstofunnar eru engin merki um gosóróa.
Sundhnúksgígar, mynd tekin í mars.RÚV / Ragnar Visage
Kristín Jónsdóttir jarðeðlisfræðingur sagði í sjónvarpsfréttum í gær að vegna þess hve langt er frá síðasta gosi og hve mikil kvika hefur náð að safnast saman geti næsta gos orðið öflugra en þau fyrri.
