Eldur kviknaði í sérversluninni Fylgifiskar á Nýbýlavegi í Kópavogi í kvöld. Lárus Steindór Björnsson, varðstjóri hjá slökkviliðinu á höfuðborgarsvæðinu, segir engan hafa verið í hættu og að slökkvistarf hafi gengið skjótt fyrir sig.

Lárus segir eitthvað tjón vera á versluninni en að eldurinn hafi verið minni háttar. Eldsupptök liggi ekki fyrir að svo stöddu.