Slökkviliðsmenn komu manni til bjargar á Kársnesi í Kópavogi í kvöld sem sat fastur undir bíl.

Eyjólfur Karlsson, slökkviliðsmaður og bráðatæknir, var einn þeirra og sagði bílinn hafa fallið ofan á fót mannsins þegar hann tók dekk undan bílnum við viðgerð.

Bíllinn var tjakkaður upp til þess að losa fót mannsins og maðurinn svo fluttur á sjúkrahús til skoðunar. Upplýsingar um líðan hans liggja ekki fyrir.